Politiit sukkanerusunik angallatitaartut

Politiit Sisak immakkut annaniutitut ukiorpassuarni angallatigaat.

Taamaattorli imakkut angallatit amerlanerulerput. Alapernaarsuutissat annanniutissallu 49 fodsiusut sisamat angallataatigineqalerput.

Ilaat Nuummi pingasunngormat atserneqarlunilu saqqummiunneqarpoq. Angallat Kimimmik atserneqarpoq Aasiannilu inissinneqassalluni.

- Angallat qanoq atorsinnaanersoq, qanoq killeqarnersoq, qanorlu pisinnaatiginersoq Aasianni politiit inuttallu sungiusalissavaat.

AAMMA ATUARUK Tasiilami politiit angallatitaartut

Politiit pisortaat, Carl Sværd, oqarpoq.

Politiit angallatinut immikkut kissaateqarsimasut, taanna oqarpoq.

- Politiit kissaataat amerlasuut iluatsissimavagut. Umiartortuutitta suut piumasarineraat kissaatigineraallu aamma tusarniarnikuuagut, amerlanerpaallu eqquutsinneqarput, Carl Sværd oqarpoq.

Politiit angallataa atorneqaanassasoq

Kalaallit Nunaanni Politiit nutaanik sukkanernillu angallatitaaraluarlutik, ataaseq atuinnarniaraat, politimesteri Bjørn Tegner Bay oqarpoq.

- Politiit angallatai sulinitsinni atortarsimasagut nutaaliaallutillu suli pitsaasut naqissusissallugu pingaartippara. Nuannaraagummi tanngassimaarutigalugillu taamaattumik ataaseq suli atorneqassaaq.

Angallataatit piffimmiit piffimmut sukkasuumik periataarsinnaanngimmata, politiit ullutsinnut naleqqunnerusunik angallateqalerniarlutik aalajangerpaat.

- Silarluttumi ninngusuunissaat saniatigullu sukkasuunissaat pisariaqartipparput, politimesteri oqarpoq.

- Pinartumik pinerluttoqarneranik nalunaartoqarneranut, ilaatigut angalasut kassunut aporsimasut ikkarluttulluunniit sukkanerpaamik periuseqarluni ornipallanneqarnissaat pisariaqartinneqartammat.

Angallatit nutaat ilaat, Kimik, Aasiaannukareerpoq. Sisimiuni, Nuummi Qaqortumilu angallateqarnissaa aamma siunertaavoq. Angallatit sinneruttut pingasut novembarimi atorneqalernissaat ilimagineqarpoq.

- Ambulancitut angallassutissaanngilaq, ajutoortoqarsimatilluguli pisariaqarluinnartunik innangavissaqarpoq, Bjørn Tegner Bay oqarpoq.