Professori: Sverigedemokraterna naalakkersuisunngoqataanissaat ilimananngilaq
Sverigemi inatsisartunut qinersineq oqaluttuarisaanermi immikkuullarissuuvoq, Sverigemilu politikkimik allannguissalluni.
Professori soraarneq naalagaaffiit pissusiinik Stockholmip universitetianeersoq, Drude Dahlerup, taama isumaqarpoq.
Partii nunasiniartunik isornartorsiuisoq Sverigedemokraterna, qinersinermi partiit annersaasa tulliattut maanna inissippoq.
Tassa qinersinermi taasinerit tamangajammik pingasunngornermi unnukkut kiseqqissaarneqarneranni partiit talerperliit inatsisartuni maanna amerlanerussuteqalerput.
AAMMA ATUARUK Svenskit politikerii avissaartuuttut
Sverigemi ministeriunerup Magdalena Anderssonip qinersinermi ajorsarnini nassuerutigereerpaa, ministeriunertullu tunuarniuteqarniarnini ullumi sisamanngornermi suaarutiginiarlugu.
Partiip Moderaternap siulittaasua, Ulf Kristersson, maanna naalakkersuisunngortitsiniartussanngorpoq.
Naalakkersunngortut akornanni qitiusumik inissisimanissartik naatsorsuutigigitsik, Sverigedemokraternakkut siulittaasuat Jimmie Åkesson qinersinerup unnukkuani oqalugiarami oqarpoq.
