Qassutaarsiutinut 3 millionit koruunit atorneqassasut

Qassutaarsiutit. Karsi aalisagaasiviit, aalisarnermullu atortut allat, imaani kangerlunnillu sumi tamaani qimaannakkat, piiarneqassapput.

Nunalerinermut, Imminut Pilersornermut, Nukissiutinut Avatangiisinullu Naalakkersuisup, Kalistat Lundip (IA) nunatsinni avatangiisit pillugit pitsaasumik suliniartunut Avatangiisinut aningaasaateqarfik 3 millionit koruuninik aningaasaliiniarput.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik tusagassiutinut taama allappoq.

- Aalisarnermut atortut annaasat ataatsimoorluta iliuuseqarfigissallugit pingaaruteqarpoq. Imartatsinni aalisarnermut atortunut annaasanut unamminartunut aaqqiissutissanut tunngatillugu, aalisarnermut inuussutissarsiortunit aamma innuttaasunit annertuumik soqutigineqarnera misigivarput, Kalistat Lund allakkiami taama issuarneqarpoq.

- Aalisarnermut atortut annaasat qallorneqarneratigut, Avatangiisinut Aningaasaateqarfik ukiuni kingullerni saliinissamut iliuuseqartunut tapersiisarpoq, aamma suliamut uunga 3 millionit koruuninik ukioq manna aningaasaliinerput tulluusimaarutigaara.

Anartarfilerinermut imermullu errortuutikunut aningaasaliineq

Naalakkersuisut aalisarnermut atortunut annaasanut saliinissamut pilersaarusiamik ineriartortitsiniarlutik pilersitsileruttorput.

Tassalu imaappoq avatangiisinut Aningaasateqarfimmit 3 millionit koruunit, ukioq manna iliuusissanik aallartitsinissamut isumannaarisuussapput.

Taakku saniatigut 1 millionit koruunit immikkut suliniutissanut ataasiakkaanut immikkoortinneqartut taakku erseqqissaapput.

Avatangiisinut aningaasaateqarfiup taamatut aningaasaliinermi saniatigut allanik aamma aningaasanik immikkoortitsivoq, ilaatigut soorlu anartarfilerinermi imermullu errortuutikunut aaqqiissutissanut misiliutitut suliat, aamma eqqagassalerinermik piorsaanermut tunngatillugu kommunini suliat.