Qeqqani politiit imigassap ammaqqinnissaanut aarleripput
Qeqqata kommuniani coronap tuniluunnera annikillisinniarlugu imigassat aalakoornartortallit januaarip aqqarnganiit sapaatit akunneri marluk martoqqatinneqariarlutik sapaatit akunneranik ataatsimik sivitsorneqarput.
AAMMA ATUARUK Politimesteri imigassanik matusineq pillugu: Akissarsisoqarnissaa ernummatigaarput
Tassalu matoqqatitsigallarneq aqagu pingasunngornermi qaangiutissaaq, tamanna politiinit sillimasutigineqarpoq.
- Sillimaffigisarpagut, annerusumik oqaatiginngikkaluarlugu qanorpiaq sillimasarnerluta, kisianni eqqartortarpagut piareersimasarlutalu, nalunngereeratsigu makkua eqqissiviilliornerit allallu annerusumik takkuttartut.
Qeqqata Kommuniani politikommisæri, Karl Jørgen Lennert oqarpoq.
Sisimiuni innuttaasut sapaatit akunnerisa naanerini imigassartorsimatillugit politiit ulapinnerulertatut, politikommissærip oqaatigaa:
2021 2022
Nuna tamakkerlugu: 81 90
Avannaata Kommuni 9 12
Kommuni Qeqertalik 6 5
Qeqqata Kommunia 8 11
Kommuni Kujalleq 10 19
Tusarfik: Kalaallit Nunaanni Politiit
- Nalinginnaasumik pisoqartillugu tassa sapaatit akunnerisa naanerinnaani ilaanni 20-riarluta, ilaanni amerlanerusarput, tassa assigiinngitsunut orniguttarsimavugut. Kisianni uani killilersuinerup nalaani, soorlu sapaatip akunnerani uani naasumi, sisamariarluta-tallimariarluta taamaallaat orniguttarsimavugut annikittualunnguanik, Karl Jørgen Lennert oqarpoq.
Taamaammallu imigassamik matoqqatitsigallarneq politiinut innuttaasunullu eqqissisimatitsisoq taassuma ilanngullugu oqaatigaa.
Qeqqata Kommunia sillimanngitsoq
Imigassat ammaqqinneqarnissaannut Qeqqata Kommunia immikkut pilersaaruteqanngilaq, innuttaasulli akisussaaqataanermik takutitsinissaat, Qeqqata Kommuniani pisortaanerup, Juliane Henningsen Heilmannip kissaatigalugu KNR-imut allappoq.
- Soorunami neriuppugut, piffissaq manna inuiaqatigiinni suli sulisussaqarniarnikkut ilungersunartorsiorfiummat, inuiaqatigiinni akisussaaqataalluta tamatta suli mianersussasugut.
