Rullepølsit listeriamik tunillanneqarsimasut amerliartuleraluarnerannut peqqutaasut
Qallersuutissaq rullepølse Tysklandimi suliffeqarfimmi Danish Crownimi inuussutissaliarineqartartoq, bakteeriamik listeriamik akoqalersimavoq maannalu Danmarkimi napparsimassutaalerpoq.
Taama Danmarkimi nerisaqarneq pillugu pisortaqarfik ilisimatitsivoq.
Oqaatigineqarporlu maannamut inuit arfineq-pingasut bakteriamik tassannga tunillanneqarsimasut, taakkunanngalu ataaseq tunillanneqarnerminik toqquteqarsimasoq.
Bakteeria Listeria naarluutaasarpoq nualluummullu eqqaanartumik malunnartitsisarluni.
Timikkut nappaatinut akiuussutissakinnermi soorlu utoqqaagaanni naartugaanniluunniit tamanna aakkut toqunartoqalernermik qaratsakkulluunniit naajorartoornermik pilersitsisinnaavoq, ajornerpaaffianilu nappaat toqqutigineqarsinnaavoq.
Rullepølseliorfiup Danish Crownip rullepølset juunip aallaqqaataata kingorna inuussutissaliarineqarsimasut tamaasa sapaatip akunnerata matuma siorna eqqartippai.
