Rusland kitaamiunit kinguneqartitsisoqassappat akissuteqarniarpoq

EU-p USA-llu russit Ukrainemik saassussinerannut pillaatitut kinguneqartitsiniarnerat Rusland-ip akiumavaa. Russit nunanut allanut tunngasunut misitereqarfiata oqaaseqartartua  Maria Sakharova taama oqarpoq.

- Illuatungeriinnermik periaaseq, nunat assigiinngitsut akornanni tunngaviusoq, naapertorlugu suliniutinik sakkortuunik akissutitut suliniuteqassaagut, Ruslandip nunanut allanut tunngasunut ministereqarfianit taama nalunaaruteqartoqarpoq.

Sakharovap USAp aamma EUp kinguneqartitsiniarneri ”inussiarnersuunngitsutut” taavai.  

EUp aamma USAp siumoortumik mianersoqqussutigaat oqarlutik Rusland oqaluttuarisaanermi aatsaat taama annertutigisumik kinguneqartitsinermik eqqorneqassasoq Ukrainemut qunusaarinini piviusunngortissaguniuk.

Sisamanngornermi ullaaralaannguaq russit sakkutuuisa nuna sanilertik saassullugu isaaffigaat.

Sisamanngornermi unnukkut EU-mi siuttut ilimagineqarput Ruslandimut sakkortuunik kinguneqartitsinernik nutaanik isumaqatigiissasut.  

EU-mi qaffasissumik inissisimasoq oqarpoq taamaaliornerup niuerneq, nukissaqarneq, angallassineq aamma aningaasaqarnermut tunngasut eqqorneqassasut.

Ukrainep præsidentia Volodimir Zelenskij skriver på Twitter-imi allappoq franskit præsidentiat  , at han har talt med sin franske kollega, Emmanuel Macron EU-mit Ruslandimut kinguneqartitsinissat mikisualuttaat pillugit  oqaloqatigisimallugu.

- Piumasaraarput Swift-imut isersinnaajunnaarsitaassasoq, Ukrainep qulaani timmisartornissaq inerteqqutaalissasoq suliniutillu allat kinguneqarluartut saassussisunik unitsitsisinnaasut, Zelenskij Twitter-imi allappoq.

Swift tassaavoq aningaaseriviit nunat assigiinngitsut akornanni suleqatigiiffik. Tassunga Ruslandip isersinnaajunnaarnera isigineqarpoq uani kinguneqartitsinerit sakkortunerpaat ilagigaat.