Russit aviisisa arlaannaannulluunniit attuumassuteqanngitsut ilaat matuneqartoq

Ruslandimi aviisini arlaannaannulluunniit attuumassuteqanngitsuni pingaarneq russit eqqartuussiviisa ilaannit matuneqarpoq.

Allattoq Ritzau

septembarip 05-at 2022 15:29

Nutserisoq Else Olsvig

Ruslandimi aviisi arlaannaannulluunniit attuumassuteqanngitsoq russillu Ukrainemut saassussinerannik isornartorsiuisimasoq Novaja Gazeta matuneqassasoq, Moskvami eqqartuussiviit ilaata ullumi ataasinngornermi aalajangerpaa.

Aviisi Novaja Gazeta Ruslandimi oqartussat killiligaanani oqarsinnaantitaanermik killilersuinerisa kingunerisaannik marsimili kingullermik saqqummerpoq.

AAMMA ATUARUK Russit atomimik qaartartorsuarnik saassussisuusaarlutik sungiusarsimasut

Aviisip aaqqissuisua Dimitrij Muratov taavalu Filippinerineersoq Maria Ressa Nobelimit 2021-mi nersornaasigaapput, killiligaanani oqarsinnaatitaanermik illersuinertik pillugu.

Ruslandimi tusagassiorfiit aviisip matuneqarnerata ilutigisaanik killiligaanatik oqarsinnaatitaaffiiagaasut, Naalagaaffiit Peqatigiit isumaqarput.

Nutaarsiassami kukkunermik nassaarsimaguit uunga allaffigineqarsinnaavugut.