Tusagassiortoq russeq ukiuni arfineq-pingasuni parnaarussassanngortitaasoq

Ruslandimi tusagassiortoq nuimasoq, Alexander Nevzoroz, ukiuni arfineq pingasuni parnaarussanngortinneqarpoq inuttaa najuutinngitsoq Moskvami eqqartuussivimmi aalajangerneqarmat.

Russit sakkutuui pillugit nutaarsiassanik ilumuunngitsunik siaruarterisimasutut pisuutinneqarluni.

Russit tusagassiorfiisa nalunaarutaat nutaarsiassaqarfimmi Reutersimi taama issuarneqarput.

AAMMA ATUARUK Russit innuttaasunik naqisimanninnerulerput

Nevzorov Moskvami eqqartuussivimmi alajangiisoqarmat najuutinnngilaq, Ruslandimiigunarnanilu.

Israelimiillutik, Alexander Nevzorozip nulia attaveqatigiittarfimmi Instagramimi siorna marsimi allappoq.

Russit sakkutuui Ukrainemi illoqarfimmi Mariupolimi napparsimmavimmut ernisarfimmut piaaralutik qaartartumeerinerarlugit, tusagassiortoq taanna allaaserinnissimasutut pasineqarpoq.

Taama unnerluutigininneq Ruslandimit ilumuunnginerarneqarpoq.