Russit sakkutuui Ukrainep kangisissuani illoqarfik pingaarutilik qimakkaat

Ruslandip sakkutuui, Ukrainep kangisissuani illoqarfik Lyman qimappaat.

Ruslandip illersornissamut ministereqarfia taama ilisimatitsisoq nutaarsiassaqartitsiviup RIA-p allaaseraa.

Unguneqarnissartik aarlerigalugu taamaaliortut oqaatigineqarpoq.

Ukrainemiut sakkutuuisa illoqarfimmut annguttullu taama nalunaaruteqartoqarpoq.

Illoqarfik Lyman russit sakkutuuinut pingaaruteqarpoq, russillu sakkutuui 5000-t 5500-llu akornanniittut tassaniillutik.

Ukrainemiullu sakkutuui illoqarfik taanna tiguaqqissappassuk Ruslandimut kinguariarnerussaaq.

Ukrainemiu Ruslandimik pingaartitsisoq Lymanimi oqarpoq russit pisinnaasatik tamaasa atorlugit illoqarfik Lyman tigummiinnarniarsarigaat.

Ukrainemiut akisillutik Ukrainep kangisissuani saassussineranni siuariartortoqarnera Ukrainep præsidentiata Volodymyr Zelenskyj-p tallimanngornermi nersorniarpai.

- Nunatta kangisissuani siuariartungaatsiarpugut. Siuariartornerput uagutsinnut isumalerujussuuvoq, Ukrainep præsidentia ullut tamaasa oqalugiartarnermini ilaatigut oqarpoq.