Russit sakkutuuisa Kijevip qeqqa qanillattorpaat

Russit sakkutuui Kijevimi illoqarfiup ilaanut Obolon-imut aamma Minsk Massif-imut iserput. Ukarinip illersornissamut ministereqarfia Twitter-imi taama allappoq.

Ilutigalugu illoqannginnersami Maidan-imi Kijev qeqqanit kilometerinit 10-nit qaninnerusumiittumi eqqaassisoqarpalunnera nalunaarutigineqarpoq.

Ukrainep illersornissamut ministereqarfiata innuttaasut tamaani najugaqartut toqqorfissarsioqqullugit imaluunniit illoqarfiup illersorneqarnerqanut ilaaqqullugit sakkutuut qaartartunik ikuallassaatinik, molovcocktails-inik taaneqartartunik, saassunnerisigut.

Inuit attaveqaqatigiittarfiini videot qamussuit sorsuutit nalunaaqutserneqarsimanngitsut inuit najugaqarfiini aqqusinikkoortut.

Videop allap takutippaa qamutit aserorneqarsimasut sakkutuullu toqungasut marluk Ukrainimiut sakkutuuisa uniformiinik atortut, NTB allappoq.

På Twitter-imi Ukraimiut sakkutooqarfiata kaammattuutigaa sakkutooqarnermi iliuuseqarnernik videonik assilisanillu saqqummiisarneq unitseqqullugu.

Tamakku russit sakkutuuisa paasissutissanik pissarsinissaannut ikiortarpaat, tunngavilersuut taamaappoq.  

Aammalu nalunaarutigineqarpoq Kijev-imi inuinnaat najugaqarfii sakkutooqarfillu rakettinik saassuneqarsimasut.

Illoqarfiup ilai taakku marluk Kijev-ip qeqqata avannaatungaaniipput.

Nalaagaaffiit Peqatigiit inuit pisinnaatitaaffii pillugit allaffeqarfiata nalunaarutigaa Ukrainemi inuinnaat ikinnerpaamik 127-t toqutaasut ikiligaasullu akornanniittut.

Kijev milliuuninik pingasunik inoqarpoq.