Russit Ukrainemiullu sakkuaakkunnaarnissaq isumaqatigiissutiginiarlugu naapissapput
Russit aallartitaasa pisortaat Vladimir Medinskij nalunaarpoq Ukrainemiut aallartitaa Hvideruslandip kitaatungaani nunap ilaani Brest-mi ataatsimiinnissamut aggilersut. Russit nutaarsiassaqartitsiviannut Intercfaximut taama oqarpoq.
Russit sakkutuui isumannaallisakkamik torsuusaasaliussasut Ukrainemiut aallartitaat suneqarnatik angalasinnaaniassammata.
Ukrainep ilumoornerarpaa oqaloqatigiinnerit ingerlanneqassasut, allamilli oqaaseqarfigeqqinnagu.
Udenrigsministeriet i Kyiv-imi nunanut allanut ministereqarfik illoqarfiit sorsunnermit sakkortunerpaamik eqqorneqarsimasut, nunap kangiuatungaaniittut Kharkiv-ip aamma Sumij-ip sakkuaaffiujunnaarnissaannik Rusland qinnuigaa. Tamatuma inuinnaat isumannaatsumut pinissaat qulakkiissavaa.
Ataasinngormat isumaqatigiinniarnerit siulliit kinguneqarpasinngillat. Kisianni illuatungeriit isumaqatigiiniaqqissallutik isumqatigiipput.
Ruslandip præsidentia Vladimir Putin ataasinngormat russit naalakkersuisui naapertorlugit oqarpoq aaqqiisoqarnavianngitsoq Ukrainemik aqutsisut ”nazistiujunnaartinnagit” aamma ”sakkutuuerutitinnagit”. Taamaattumik isumaqatigiinniarnikkut aaqqiinissaq ungasissorujussuugunarpoq.
Russit sakkutuuisa Ukrainemik illoqarfiinnillu annernik saassussinertik nangippaat. Ilaatigut avannnamut kangimut illoqarfissuaq milliuunit sinnerlugit inulik Kharkiv sakkortuumik eqqorneqarpoq. Ruslandip nunamik sakkutuuliinera pissutigalugu massakkut inuit milliuuninit amerlanerit Ukrainemit qimaapput.
