Scholz: Putinip Ukrainemi sorsunnermi anguniakkani angunngilai

Ruslandip præsidentiata, Vladimir Putinip, Ukrainemi sorsunnermi anguniakkani angunngilai.

Tysklandip forbundskansleria, Olaf Scholz, Tysklandimi inatsisartuni Forbundsdagimi ullumi pingasunngornermi oqalugiarami taama ilaatigut oqarpoq.

Nuna sunaluunniit EU-p pingaartitaanik saassussiniartoq iluatsitsinaviannngitsoq, Scholzip oqaatigaa, Ungarnimullu tamanna mianersoqqussutitut isigineqarsinnaalluni. EU-mmi Ukrainemut aningaasanik milliardilikkuutaanik ikiorsiiniarnera Ungarnip itigartinniarsarisimavaa.

AAMMA ATUARUK Rusland gassimik pilersuinermi ruujorip putuneranik misissueqataaniartoq

- Putinip pilersaarutaasa arlaannaataluunniit iluatsissimanngilaq, Scholz oqarpoq, russillu præsidentiat ilimagisamit uniuerujussuartutut taallugu.

Ungarnip ministeriunerata, Viktor Orbanip, russit Ukrainemik saassussinerisa nalaanni Ruslandimut qanimut attaveqartarsimaneranut Olaf Scholz taassuma saniatigut sakkortuumik mianersoqqussuteqarpoq.

Putin Ukrainemik saassussiniaannassappat Ukrainemut ikiorsiisarnerit annertusarneqarumaartut Ruslandimullu pillaatitut iliuutsit sukannernerulerumaartut, Scholzip oqaatigaa.