Shanghai sivisuumik matoqqatinneqareerluni ammariartortoq

Kinami illoqarfissuaq Shanghai coronap ajornartoortitsinerani matoqqatinneqareerluni tamaani innuttaasut ulluinnarni nalinginnaanerusumik maanna inuuneqaqqissinnaalerput, pisiniarfiimmi pisiniarfeqarfissuillu maanna ammaqqissinnaalerput.

Shanghaimi borgmesterip tullersortaa, Zong Ming, tusagassiortunut marlunngornermi taama oqarpoq.

Illoqarfiup immikkoortuisa ilaanni aarlerinaateqarpallaanngitsutut nalilerneqartuni inuit aamma suleqqilersinnaapput.

AAMMA ATUARUK Shanghaimi coronavirusimik tunillatsissimasunik nutaanik nassaartoqanngilertoq

Qimuttuitsut nalinginnaasumik pingasunngornermi aamma angalaqqilissasut soorlu aamma Shanghaimit avammut timmisartuussinerit amerlineqassasut, borgmesterip tullersortaa oqarpoq.

Coronavirus tuniluutilermalli virusi Shanghaimi ukioq manna apriilimi aatsaat taama tuniluutilertigaaq, taamaalineranilu illoqarfik matuneqarluni.

Coronavirus akiorniarlugu illoqarfiup immikkoortuini tuniluunnerpaaffiusuni innuttaasut angerlarsimaannaqquneqarput.