Sisimiuni inuit marluk pinerluuteqarsimasunut inissiisarfimmit qimaasut

Sisimiuni politiit pinerluuteqarsimasunit inissiisarfimmit qimaasut marluk ujaaraat.

21-nik ukiulik, Kim Møller Rasmussen aamma 38-nik ukiulik Nukappiaraq Jakobsen ujaarineqarput.

Taakku marluullutik Sisimiuni pinerluuteqarsimasunut inissiisarfimmit ippassaq unnukkut nalunaaqutaq 19.45-p missaani qimaapput.

Kim Møller Rasmussen tuattuuvoq, naatsunik nujaqarpoq, 175 - 180 centermeterillu missaannik takissuseqarluni. Taassuma kavaajaq aasarsiut sakkutuut atisaatut qalipaatilik atorpaa.

Nukappiaraq Jakobsen aamma tuattuuvoq, naatsunik taartunik nujaqarpoq, 170 - 175 centermeterillu missaannik takissuseqarluni. Taassuma kavaajaq ukiorsiut qernertoq kamiillu sungaartumik aappaluaartumik titarnilersukkat atorpai.

Kim Møller Rasmussenip aamma Nukappiaraq Jakobsenip sumiinneri ilisimagukkit - sumiinnerannulluunniit tunngasumik paasissutissaateqaruit pingaartunut 70 14 48-mut sianissaatit.

Pinerluuteqarsimasunut inissiisarfimmit qimaasunit toqqorsimatitsineq inerteqqutaasoq, Sisimiuni politiit erseqqissaapput.