Soqutigisaqatigiiffiit klimamut nalequssarnermut aningaasaateqarfeqaqquaat

Folketingip ukiumut 800 millioner koruunit aningaasaateqarfimmut ikisariaqarpai, Danmarkimi silapilunneranut isumannaallisaanermut atugassat. Assersuutigalugu anorersuartut sapaatip akunnerata naanerani pitaruttutut Malik-tut ittuni.

Soqutigisaqatigiiffiit Dansk Industri (DI), Kommunernes Landsforening (KL) aamma Dansk Vand- og Spildevandsforening (Danva) tusagassiuutinut nalunaarummi taama allapput.

Siunnersuut naapertorlugu klimamut naleqqussarnissamut aningaasaateqarfiup isumannaallisaaqataaffigissavaa suliniutit ajornakusoortut akisuuullu ilumoortumik piviusunngortinneqarnissaat.

Ullumikkutullu itsillugu suliniutit unittuukulapput akiligassat qanoq agguaanneqanissaat ersernerlummat.  Emil Fannikke Kiær, Dansk Industri-mi politikikkuut pisortaasoq oqarpoq.

- Klimap allanngornerata kingunerisai massakkut malugisinnaavavut. Ajoqusernerit pinngitsoornissaannut aningaasaliinngikkutta kingusinnerusukkut akiligassapiluunersuarnik pissaqalissaagut.

Kuuit sissallu amerlaqisut kommunit arlallit aqqusaarpaat. Taamaattumik kommunit suleqatigiinnissaminnut pisussaffilerneqartariaqarput, siunnersuummi taaneqarpoq.  

Tassami nuna sialussuaarnermut, anorersuarnut nunallu iluani erngup qaffanneranut isumannaallisaaneq kigaappallaartumik ingerlavoq, Birgit S. Hansen, KL’s Miljø- og Forsyningsudvalg-iani siulittaasoq isumaqarpoq. Malittarisassat ajornakusoorpallaaqaat naammattunillu aningaasaqarnani.

- Tassuunakkut innuttaasut kommunillu tatineqarput siunissamilu suli annertunerusumik kinguneqassallutik. Pisoqarnerani piaarnerpaamik suliniuteqartoqarnissaa pisariaqartinneqarpoq. Aningaasaliinerup amigaataanerata massakkulu malittarisassat kinguneraat suliniutit pisariaqartut ingerlanneqanngimmata, oqarpoq.