Inger Støjberg: Parnaarussassanngortinneqarnera tupaallaatisorujussuuara

Danskit nunanut allanut tunngasunut ministererisimasaat, Inger Støjberg ulluni 60-ini parnaarussassanngortinneqarpoq.

Taanna parnaarussassanngortinneqarami tupaqqaqaa.

Inger Støjberg nunanit allaneersunut ilanngutitaanermut ministeriugallarami Danmarkimi nunasiniartut aappaariit inuusuttut, aappaa 18-it inorlugit ukioqarpat tikereernerminni pinngitsoornatik avissaartinneqartarnissaanik piumasaqarnikuunera unioqqutitsinerusoq eqqartuussisut 26-iusunit 25-ivit isumaqatigiissutigaat.

- Tupaallattorujussuuvunga, taama oqartariarqarpunga. Danskit tamarmik naleqassusaajaneqaatigivaat, uangaannaq pineqanngilanga, danskit tamarmik naleqassusaajarneqarput.

- Kikkut tamarmik uattut iliorsinnaasimanissaanik neriuuteqarpunga, tamanna nakassutiginngikkaluarlugu pillarneqaatigissavara, eqqartuussisut aalajangernerata kingorna Støjberg oqarpoq.

Inger Støjbergip pisuunini nassuerutigaa ullunilu 60-inik parnaarussaassanngortinneqarluni.

Ministerit ataatsimiititaliani aamma qullersaasarput. Taamaattumik ministereqarfimmi naalakkersuisoqarfinnilu aalajangikkat naggaterpiaasigut akisussaaffigisarpaat.

Inger Støjbergip pillarneqarnerata kingunerisaanik Folketingimi issiaannarnissaa olketingimi Qinigaanerup Misilinneqarnissaanut Ataatsimiititaliaata nalilersussavaa.

Apeqqutip taasissutigineqarnissaa ataatsimiititaliami ilaasortat amerlanersussuteqartut aalajangeratigut suliaq Folketingimut ingerlateqqinneqarsinnaavoq.

Tassalu ministeriusimasoq Folketingimi issiaannassanersoq Folketingimita aalajangerneqartussanngorsinnaalluni. Qanorpiarli sulisoqassanersoq suli aalajangivinneqanngilaq.