Sverigemi aviisip gassimut ruujorit aserorsimasut assingi takutikkai
Gassimut ruujorit Nord Streamit aserorsimasut assingi Sverigemi aviisip Expressenip maanna takutippai, immallu naqqa quppanitsitersimasoq assini takuneqarsinnaavoq.
Sverigemi aviisip Expressenip assiliissut Østersømi immap naqqanut 80 meteritut ititigisumukartissimavaaa, Nord Stream 1-imilu ruujorit ilaat tassani nassaarisimallugu.
Ruujori aserorneqarsimasoq tassani takuneqarsinnaavoq.
AAMMA ATUARUK Rusland gassimik pilersuinermi ruujorip putuneranik misissueqataaniartoq
Nord Stream 2-mi gassimut ruujori, kingornalu Nord Stream 1-imi ruujori aamma putuneqarsimasoq ukioq manna septembarip ulluisa 26-anni paasineqarpoq.
Gassimut ruujorit nalaanni arlaleriarluni qaartitsisoqarsimaneranik takussutissaqartoq, Sverigep Danmarkillu misissuinerisa takutippaat.
Expressenip allaaserisaaa naapertorlugu ruujorip 50 meteriata missaa amigaataavoq.
Sverigemiut ruujorit nalaanni imartaq assersorpaat, assersuinerilli maanna peerneqarsimallutik. Aviisip Expressenip umiarsuaatini tamanna pillugu ruujorip qanittuanukartissinnaasimavaa.
