Sverigep danskit Sverigeliarniartut coronapasimik takutitseqqaartalersinniarai

Sverigep nunamut isertut tamarmik coronapasimik takutitsisalersinniarpai. Killilersuutit sapaatip akunnerata tulliani atuutilissangatinneqarput.

Allattoq Ritzau

decembarip 16-at 2021 12:20

Sverigemut iserniartut tamarmik coronapassimik tassa tamakkiisumik akiuussuserneqarsimanermut uppernarsaammik decembarip ulluisa 21-annit takutitseqqaartalissapput.

Tamanna nunanit avannarlerneersunut aamma atuutissasoq, Sverigemi ministeriunerup Magdalena Anderssonip nutaarsiassaqartitsivimmut TT-mut oqaatigaa.

Nunat Sverigemut qanittumiittut maannamut killilersuiffigineqanngikkaluarput.

- Coronavirusip Europami tuniluunnerujussua takusinnnaavarput, aamma nunani qanigisatsinni. Nunanit tamalaanit Sverigemut angalaniaraanni tamakkiisumik akiuussuserneqarsimanermut uppernarsaammik peqarnissaq maannamut piumasaqaataasimavoq, nunaniilli avannarlerneersut maannamut killilersuiffigineqaratik.

- Tamannali Nunani Avannarlerneersunut aamma atuutilissanersoq naalakkersuisuni maanna aamma aalajangiiffigissavarput, Magdalena Andersson oqarpoq.

Sverigemi isumaginninnermut ministerip, Lena Hallengrenip killilersuutit nutaat nalunaaqutaq qulinut tusagassiortunik katersortitsinermi saqqummiuppai.

Nunani sanilerisani sukkasoorujussuarmik tuniluuttoqartoq taassuma oqaatigaa, taakkunani suli tuniluutianerusoq, Omikron aamma tuniluulluni.

/ritzau/

Nutaarsiassami kukkunermik nassaarsimaguit uunga allaffigineqarsinnaavugut.