Sydafrika-mi naalagaaffiup misissuisarfia sissuilaarluni isumalluarlunili coronap allannguutaa nutaaq ulorianannginnerusutut oqaatigaa

I, Sydafrika-mi misissuinerit takutippaat sukkasuumik tunillaassuuttumik omikron-imik tunillatsittut akornanni delta-mik tunillatsittunit napparsimmavimmut unitsitaanngikkaluarlutik nappaammik qaangiinissaminnut periarfissaginnerusut.

Misissuineq Nappaatit tuniluussinnaasut pillugit Naalagaaffiup Insitutianeersut universitetinilu annerusuneersut ingerlataraat.

Inuit tassani suleqatigiit oqarput, nualluummik allaanerusumik tunillatsittunut sanilliullugit omikron-imik tunillatsittut napparsimmavimmut unittariaqartarneri 30 procentimik appasinnerusoq.

- Tassa Omikron ilaatigut ulorianannginneruvoq, professor Cheryl Cohen, NIC-imeersoq oqarpoq.

Taakkuali suleqatigiit nalorninartoqartoq oqaatigaat, taannalu pillugu paasisat naapertorlugit inerniliiniarnerit apeqquserneqarsinnaaneri erseqqissarlugu.

Statens Serum Institut naapertorlugu, omikron-imik tunillatsittut ikinnerusut delta-mik tunillatsittunit nappasimmavimmut unittariaqartaarneri oqaatigisinnaannginnerarpaa. Taamatut oqarpoq, pisortaq Henrik Ullum.

- Kisitsisit suliareqqinneqanngitsut naapertorlugit, omikron-imik tunillatserlaat ikinnerusut napparsimmavimmut unittariaqartarneri takuneqarsinnaavoq.

AAMMA ATUARUK Europa-mi annertuumik tunillaassuunneq WHO-p isumakuluutigaa

- Omikron-imilli tunillatsittut tassaaneruneri inuusunnerusut kiisalu akiuussutissamik kapitereernikuunerusut eqqarsaatigigaanni, taava imikron sakkukinnerusumik napparsimassutaasartoq qulakkeerlugu oqaatigisinnaanngilarput, pingasunngormat tusgassiortunik katersuutsitsinermi Henrik Ullum oqarpoq.

Taanna oqaluttuarpoq, politikerinik siunnersuiniarluni naliliiniarnermi oqaatigisariaqartoq, omikron delta-tulli ulorianartigisoq.

- Omikron-ip delta-tut ulorianartiginera aallaavigalugu pilersaarusiortariaqarpugut, Henrik Ullum oqarpoq.