Tamaat isigalugu: USA-mi qiterpaarlugu qinersineq qanorluunniit inerneqarsinnaavoq

USA-mi qiterpaarlugu marlunngornermnni qinersisoqarnerani ajugaasoqanngilaq.

Qinersineq sioqqullugu republikanerit Repræsentanternes Husimi Senatimilu ajugaassangatinneqarput, demokratillu Joe Bidenimit siuttuuffigineqartut ajorsassanngatinneqarlutik.

Republikanerit qinersisoqareernerani naatsorsuutigisamit taama qinigaatiginngillat.

Republikanerit Repræsentanternes Husimi maannamut 209-nik demokratillu 191-nik qinigaatitaqartut, nutaarsiassaqartitsivik CNN allappoq.

Repræsentanternes Husimi amerlanerussuteqasssagaanni qinikkat 218-iusariaqarput, republikanerillu naatsorsuutigisamit ikinnerujussuullutik amerlanerussuteqassangatinneqarput.

Senatimut qinigaasut ajugaasortaqanngitsut

Senatimut qinigaasut amerlanerussuteqanngillat, amerlanerussuteqarnissamut piumasaqaataavoq 51-it qinigaanissaat. Tamannalu arlaannaataluunniit angusimanngilaat. Demokratinit qinigaasut maannamut 48-pput republikanerit 49-llutik.

AAMMA ATUARUK Georgiamit senatimut ilaasortanngortussamik decembarimi qinerseqqittoqassasoq

Naalagaaffinni pingasuni, tassa Nevadami, Arizonami Georgiamilu, qinersinerni inernerit amigaatigineqarput.

Naalagaaffinni Nevadami Arizonamilu suli kisitsisoqartoq, nutaarsiassaqartitsivik CNN allappoq.

Georgiami qinigassanngortittut arlaannaataaluuniit qinersisinnaasut 50 procentiannit qinerneqarsimanngimmata Georgeami decemberip ulluisa arfernganni qinerseqqittoqassaaq.