Thailandimut isilernermi coronamut akiuussusertissimanissaq piumasaqaataajunnaartoq
Thailandimut isilernermi coronamut akiuussusertissimanissaq piumasaqaataajunnaarpoq.
Thailandip peqqissutsimut ministeria, Anutin Charnvirakuli, ullumi ataasinngornermi taama nalunaarpoq.
Thailandimut isilernermi coronamut akiuussusertissimanermut uppernarsaateqaqqaarnissaq piumasaqaataasoq, Thailandimi sapaatip akunnerata naanerani nalunaarutigineqaraluarpoq.
- Coronamut akiuussusertissimanermut uppernarsaammik takutitsinissaq pisariullunilu akunnattoornarsinnaasoq taamaalilluni pisariaqarunnaarpoq, Thailandip peqqissutsimut ministeria oqarpoq.
AAMMA ATUARUK New Zealandimiut coronavirusimik nunarsuarmi siaruatsaaliilluarnerpaasut
Ministerillu coronamut akiuususertissimasut akiuussuserneqarsimanngitsullu taamaalilluni killilersuuteqanngitsumik ammaateqqippai.
Thailand Asiami nunanut allanut sanilliulluni takornarianit ornigineqarluartuuvoq.
Thailandimi, nunani allani amerlasuuni Kinamilu takornariaqarnerit coronamut killilersuutit peqqutaallutik ajalusoorluinnangajassimapput.
Corona tuniluutilinngikkallarmat Thailandimut ukiumut takornariartartut coronap nalaani takornariartarsimasut sisamariaataannit amerlanerusimapput.
