Timmisartoq 72-inik issimasoqartoq Nepalimi nakkartoq
Nepalimi timmisartoq sapaammi nakkarmat inuit ikinnerpaamik 67-it ajunaarput.
Timmisartoq illoqarfimmi Pokharami mittarfiup pisoqqap nutaallu akornanni nakkarpoq.
Allattoq Ritzau
januaarip 16-at 2023 09:26
Timmisartoq suluusalik ATR 72, Nepalimi ippassaq sapaammi nakkarmat
ilaasuinit 72-iusunit 67-it ajunaarsimasut Nepalimi politiit nalunaarput.
- Ilaasut 68-iupput timmisartumilu sulisut sisamaallutik. Ilaasunit 15-it nunanit
allaneersuusut, Nepalimi timmisartuutileqatigiit Yetikkut oqaaseqartitaat taama oqarpoq.
Timmisartumut ilaasut allattorsimaffiat naapertorlugu ilaasunit 53-it Nepalimiuupput,
tallimat Indiamiuullutik, sisamat Ruslandimeerlutik marlullu Korea Kujallermeerlutik.
Ilaasut ataasiakkaat Australiamit, Argentinamit, Irlandimit Frankrigimillu Nepalimut angalasuusimapput.
Timmisartoq Nepalimi illoqarfiit pingaarnersaannit Kathmandumiit illoqarfimmut Pokkaramukartilluni nakkarpoq.
