Toqungasut timaasa assingi pissutigalugit EU-p piaarnerpaamik pillaatinik nutaanik iliuuseqarnissaq kissatigaa

Europami naalagaaffiit naalakkersuisullu siuttuisa nangillugu Rusland assuaraat.

Illoqarfiup Butjap aqquserngini Ukrainemiuugunartut toqungasut assingi sapaatip akunnerata naanerani matumani sakkortuumik aalassassutigineqarput.

Ataasinngornermi Frankrigip præsidentiata Emmanuel Macron-ip Ruslandimut pilaatitut iliuusissat nutaat ujartorpai, isumaqarami taakku ”sorsunnermi pinerluttuliornermik erseqqissumik takussutissaasut".

- Annertunerusumik annikinnerusumilluunniit aalajangiunneqareerpoq russit sakkutuui akisussaasuusut (Butja-mi toqutsinernut, aaqq.), Macron franskit radioqarfiannut Inter-imut oqarpoq.

- Butja-mi pisut nutaamik pillaatitut iliuuseqartitsisariaqarput, Macron nangippoq.

EU-mi siuttut misissuinermik aallartitsiniarput 

EU-p nalunaarutigaa pillaatitut iliuusissanik amerlanerusunik atuutilersitsinissaq  "nukinginnarluinnartuusoq":

- Russit sakkutuuisa Ukrainep illoqarfiini arlalinni tiguarneqarsimagaluarlutik aniguiseqqinnqartuni naakkittaatsuliorneri EUp oqaatsini sapinngisamik sakkortunerpaanik assuarliutigai, EU-p nunanut allanut tunngasuni siuttua Josep Borrell nunat sinnerlugit tusagassiuutinut allappoq.

Sapaatip akunnerata naanerani Ruslandip assit pisimasuussaartitaanerarpai assuarliinerillu ilumuunnginnerarlugit

Tamatumali europamiut assuarliinerat annikinnerulersinngilaa.

Ataasinngornermi Polenip ministeriunera Mateusz Morawiecki "inunnik  toqoraanermik" taasami misissorneqarnissaanut kaammattuivoq.

- Nunat assigiinngitsut akornanni suleqatigiissitamik inunnik toqoraanermik taassuminnga misissuisussamik pilersitsinissaq kaammattuutigaarput, oqarpoq.

Aamma Spaniap ministeriunerata Ukrainemi Pedro Sánchez-ip "inunnik nungusaanertut" ittuusinnaasunik takussutissaqarnerarpaa.

- Taakkuninnga sorsunnermi pinerluttuliortut pineqaatissinneqanngitsuunnginnissaat sapinngisarput tamaat atorlugu qulakkeerniarparput.

- Taamaattumik taakku eqqartuussivinnut silarsuarmiunut pinerluuteqarsimasunik suliarinnittartunut, sorsunnermi pinerluuteqarsimasunut, soormi taalluaannaraanni – inunnik nungusaasunut – sassartinneqartariaqarput Sánchez  Madrid-imi oqarpoq.

Ataasinngornermi Norgep ministeriunera Jonas Gahr Støre nutaarsiassaqartitsivik NTB naapertorlugu norgermiut aviisiannut Dagbladet-imut oqarpoq assit, at billederne "takusinnaasat naapertorlugit" tassaasut sorsunnermi pinerluutit misissorneqartariaqartut.

Rusland ilumuunnginneraavoq 

Assit russit pisuusaartitsinerusutut taallugit ilumoortuunnginnerarpaat.  

Aleksandr Bastrykin-ip Ruslandimi nunami tamarmi misissuisartuisa pisortaata Ukrainemiut  oqqassaarinerattut taasami pisortatigoortumik misissorneqarnissaa kissaatigaa.

Russit Butjami sakkutuui pillugit Ukraine piaaraluni "ilumuunngitsunik paasissutissiisartuunerarpaa".

Butja Ukrainep illoqarfiisa pingaarnersaata Kyiv-ip qeqqaniit 24 km-inik ungasitsigisumiippoq.