Transparency ukiuni qulini: nalunngeqatigiinnissutaarusuppugut
kiffartuussinermi peqquserlunnissamut akiuiniarnermut FN-ip nunani tamalaani ullumi ullorititaraa.
Peqatigiiffik Transparency International Greenland pilersinneqarneraniit aamma ukiut qulit qaangiupput.
- Aallartikkatta imaappugut: Inuit kiffartuussinermi peqquserlunneq sunaanersoq nalunngilaat? Ullumikkut allarluinnarmi inissisimavugut. Taamaassinnaaneq tamanit oqaluuserineqarnipilussuuvoq. Pissaanermik atornerluisarneq oqaluuserineqarneruvoq, Transparency International Greenlandip siulersuisuini ilaasortaq Anita Hoffer oqarpoq.
Taassuma peqatigiiasffimmilu ilasortat allat toqqortorluni iliuuserineqakkajuttut ukiuni qulini nakkutiginiarpaat.
AAMMA ATUARUK Transparency Greenland: Pissaanermik atornerluineq pillugu suliat politikerinut tatiginnilersitsisinnaapput
Transparency International Greenlandip assersuutigalugu inuit kiffartuussuninermi peqquserlunnermik paasinninnerat pillugu misssuinertik 2020-mi saqqummersippaat.
Transparency International Greenland
Transparency International Greenland 2011-imi pilersinneqarpoq.
Transparency International suliniaqatigiiffiuvoq pingaartumik paasisitsiniaanikkut peqquserluttarnermik akiuiniarluni suliaqartoq.
Transparency International Greenland siulersuisoqarpoq, kajummissutsiminnik sulisulik, allaffeqarfeqarlunilu.
Peqatigiiffik Nuummi allaffeqarpoq
Tusarfik : transparency.gl
Inuit tallimaagaata pingasut politikerini qaffasissumillu atorfilinni pissaanermik atornerluisoqassappat ajornartoesiutaasut isigigaat, tassani erserpoq.
Aperineqartut affaannit amerlanerusut Naalakkersuisunut Inatsisartunulli ilaasortat ilaasat pissaanertil atornerlukkaat isumaqarput.
Aperineqartulli tallimaagaangata marluk isumaqarput, sullissinermi peqquserlunneq nalunaarutigineqassappat akuerineqarsinnaanngitsoq.
Saqqummertut illersorneqartassapput
Tamakkua tamarmik iliuuseqarfigineqartariaqartut, Transparency International Greenland isumaqarpoq.
Ilaatigut pissutsinik isornartoqartillugu oqaatilliiffissat amerlanerusariaqarput pitsaanerusariaqarlutillu.
- Pissutsinik isornartoqartillugu oqaatilliiffissat oqaatilliisullu illersorneqrnissaat aamma sulissutigaarput. Assersuutigalugu qunusuillutik sassartut illersorneqaatissaannik inatsiseqalernissa pisariqarpoq. Taanna Nunatsinni amigaaatigaarput, peqatigiiffiup siulittasua Birita i Dali oqarpoq.
Inuit pissaaniullit pissaanermik atornerluisimasut arlallit ukiuni kingullerni saqqummiunneqarput.
Peqquserlunneq suua?
“Peqquserluttuliorneq tassaavoq iluanaarniutigiinnarlugu oqartussaassusiligaanermik atornerluineq. Kikkulluunniit inuunermikkut, pilersorneqarnermikkut pilluarnermikkullu ajoquserneqartarnerat oqartussaasutut inissisimanermik atornilluilluni inuit kiffaanngissusiiagaaneqarangata peqquserluttuliorneq pisarpoq”
Tusarfk: transparency.org
Assersuutigalugu KNI-mi naatsorsuutit paasiuminaallisarneqarsimapput, taavalu aamma Kommuneqarfik Sermersuup borgmesteriata akiuussusertikkiartorami tulleriiaarlutik utaqqisut qaangiinnarpai.
- Suliat tamakkua ilungersunartuupput, eqqortumillu iliuuseqarfigineqarnissaat neriuutigaarput. Kisianni taakkua pillugit oqaaseqarsinnaanngilagut, misissornissaannut nukissaqannginnatta. Oqarsinnaavugulli: taama ittunik tusagaqarluni soorunami nuanniittuusoq, aammali tamakkua ilumut saqqummeraangata inuiaqatigiit peqqissuunerannut errsiutaavoq, Birita i Dali oqarpoq.
Nakkutilliisoqarpoq
Tassami taakkua saqqummertariaqartut ilaminiinnannguarisinnaagaat, Anita Hoffer oqarpoq:
Pissaanermik atornerluineq akiorniarlugu qanoq iliortoqarsinnaava?
- Isertuaatsuunissaq isumagisiuk. Imaasinnaavoq atuarfimmi siulersuisuni aalajangiinissamut piukkunnarnerlutit eqqarsaatigigit. Imaassinnaavoq sullivinni sulisutut appasinnerusumi inissisimasutut siuttuusunut ammanerusunissamik piumasaqartutit.
- Meeqqat inuusuttullu oqaloqatigisarsigit. meerartaqaruit, suna eqqortuunersoq sunalu eqqortuunnginersoq oqaloqatigiissutigisiuk. Assersuutigalugu aalajangiinissami piukkunnartuunginneq sunaanersoq taavalu ikinngutinik sullissineq nassuiakkit, inuunerminni kingusinnerusumkk taamaalillutik eqqumaffiginiassammatigit.
Tusarfik: Anita Hoffer aamma Birita í Dali, Transparency International Greenland
- Kingullertigut takusatsinni oqaatissiisup uteriittuunissa pisariaqarsimavoq, aammali taamaattuunissaq pisariaqarpq. Neriuppugullu sassarnissaq pingaaruteqartoq amerlanerusut takusinnaalissagaat, Anita Hoffer oqarpoq.
