Trump parnaarussallu erinnamik saqqummersitsisut

Inatsisilerinermut ilisimatuup Trumpip erinnamik saqqummersitsinera puupassaarisutut oqartussaarusussutsillu aqqaani taama iliortutut taavaa

Allattoq Karline Platou

marsip 04-at 2023 15:59

Amerikami præsidentiusimasoq Donald Trump inuit allat peqatigalugit erinnamik saqqummersitsivoq, inuillu peqatigisai tassaapput 2021-mi jannuaarip arfernani Amerikamiut kongressianut saassusserujussuartoqarnerani saassussisimasut parnaarunneqarsimasullu, taama inuussutissarsiuteqarneq pillugu aviisi Forbes allaaserinnippoq.

Erinaq atserneqarsimavoq ”Justice for All” kalaallisut nutserneqarsinnaasoq ”tamanut naapertuilluarneq, oqaatigineqarporlu Trumpimut illersuisut inuit 20-t missaat taassuminnga erinarsortuusut.

Barb McQuademik atilik University of Michiganimi inatsisilerinermut ilisimatuujusoq siusinnerusukkullu advokatiusimasoq ilaatigut oqarpoq, ”erinaq putusaarisuusoq, anneruniarnerullu aqqani sannataasivimmiillusooq toqqaannarlugu tiguinnagaasoq

Erinnamit pineqartumit aningaasat sinneqartoorutaasut jannuaarip arfinernanni 2021-mi Washington D.C.-mi inuit isaapiloorlutik saassussisorpassuit parnaarunneqarsimasut ilaqutaannut tutsinneqassapput, taamanilu taakku taama saassussimmata inuit arlallit inuunerannik tamanna naleqarpoq.

Arpaliulluni Saassussinerup taamaattup saniatigut aamma Trump uppernarsaatissaqanngitsumik oqaaseqarpoq ilaatigut oqarluni præsidentinngorniulluni qinersisoqarnerani peqquserluffigineqarsimalluni qinersisissaraluaminik peqquserluffigineqarsimalluni.

Taamatuttaaq Trump 2024 præsidentinngorniunnissamut sassaqqinniarpoq.

Nutaarsiassami kukkunermik nassaarsimaguit uunga allaffigineqarsinnaavugut.