Tusagassiorfik: Suliffeqarfimmi aqutsisut innuttaasut qaangiinnarlugit akiuussuserneqartut

Savalimmiuni napparsimmavinni pisortat, naalakkersuisut sinniisui, suliffeqarfiillu namminersortut savalimmiuni innuttaasut qaanngiinnarlugit coronamut akiuussutissamik kapitipput

Savalimmiuni nutaarsiassaqartitsivik Færøernes Nyhedsbureau.taama allaaserisaqarpoq.

Savalimmiormiut akiuussutissamik kapisinnermut periusissiaanni allassimavoq innuttaasut utoqqaanerusut, peqqiinnerusut, napparsimmavinnilu sulisut siulliullutik akiuussutissamik kapineqassasut.

Savalimmiuni nuna tamakkerlugu tusagassiorfiani Kringvarp Føroyami ukiup nutaap aallartinnerani paasineqarpoq, napparsimmavinni aqutsisut arlaqartut napparsimasunut toqqaannartumik attaveqarneq ajortut akiuussutissamik kapitissimasut.  

AAMMA ATUARUK Nakorsaaneq Narsami tunillatsissimasoqarnera pillugu: Peqqissartut Illuanneeruit eqqumaffiginninniarit

Kingusinnerusukkut aamma paasineqarpoq, peqqinnissaqarfimmi aqutsisut kisimik pinnatik innutaasut nalinginnaasut avaqqullugit akiuussutissamik kapissimasut.

Savalimmiuni naalakkersuisut aallartitaat, ataaseq Kinamiittoq ataaserlu Tuluit Nunaanniittoq taakkualu aapparisaat akiuussutissamik kapitissimasut.

Soorluttaaq inuussutissarsiutinik ingerlataqartut arlaqartut akiuussutissamik kapitissimasut.

Napparsimavimmi aqutsisut taama pisoqarsimaneranik ajuusaarsimasut, Savalimmiuni nutaarsiassaqartitsivik Færøernes Nyhedsbureau taama allappoq.