Tusass: Uummannami Upernavimmilu attaveerukkaluarneq aaqqinneqarpoq
Uummannami Upernavimmilu telefonikkut internetsikkullu attaveerukkaluarneq aaqqittoq, Tusass KNR-mut nalunaarpoq.
Uummannami nunaqarfiinilu aammalu Upernaviup nalaani telefonit attaveqaqqilerput.
- Uummannami nunaqarfiinilu TV-kkut radiokkullu attaveqaatit suli iluarsinngillat, teknikerilli ajornartorsiut aaqqinniarlugu maanna isumagaat, Tusassimi attaveqaqatigiinnermi pisortaq Julie Rademacher KNR-mut oqarpoq.
Taanna nangilluni nassuiaavoq, ullup ingerlanerani attaveeruteqqeriataartoqarnissaa pillugu suliffeqarfik misiliisaqattaarumaartoq.
AAMMA ATUARUK Mobilinut internetsikkullu attaveqaatit Uummannami atassutaarupput
Attaveerunneq unnuaq nalunaaqutaq ataatsip qeqqata missaani Tusassimiit paasineqarpoq.
Tamatumalu kinguneraa, Uummannami nunaqarfiinilu innuttaasut mobilikkut internetsikkullu attaveqarsinnaajunnaaraluarnerannik.
Tamannattaaq Upernavimmi atuuppoq, taavanimi attaveqaatit aamma aalaakkaajunnaaraluarput.
Ualimulli nalunaaqutaq marlup kinguninngua Tusass nalunaaqqippoq attaveqaatit iluarseqqittut, taamalu aamma Uummannami tv-kkut radiokkullu attaveqaatit aamma iluarsillutik, taama Tusass nalunaarpoq.
