Tysklandimi politiit aamarsuarfiorfimmilu akerliusut aporaattut

Silap pissusiata allanngoriartorneranik ilungersuutillit aamarsuarsiorfimmi piiaaginnartoqalersaarneranut akerliussutsimik takutitsipput. Politeerpassuit ornigupput.

Allattoq Ritzau

januaarip 11-at 2023 12:51

Tysklandimi politiit hunnorujulikkuutaat silallu pissusianik ilungersuuteqarlutik aamaruutissamik brunkulimik taaneqartartumik Lützerathimi aamarsuarsiorfimmi akerliusut ullumi pingasunngornermi sialussuup ataani aporaapput.

Tysklandimi nutaarsiassaqartitsiviit ilaat, dpa, taama allappoq.

Tysklandimi politiit akerliusunik qimagussueqquneqarput.

Silap pissusiata allanngoriartorneranik ilungersuutillit aamarsuarsiorfimmi piiaaginnartoqalersaarnera peqqutaalluni illoqarfeeqqap Lützerathip inuerunneranut akerliulluinnarnertik takutinniarlugu qaammaterpaalunngortuni tamaaniipput.

AAMMA ATUARUK Tysklandip orpippassuini aamarsuarfiliortoqarniarnera inuit 4000-it akerliuffigaat

Nukissiuutileriffissuup RWE-p Lützerathimi aamarsuarsiorfimmi piiaaginnarsinnaajumalluni illoqarfeeraq tamaat assanniarpaa. Illoqarfeeqqap taassuma ilarujussua assanneqarsimalereerpoq.

Silap pissusianik allanngoriartorneranik ilungersuuteqarlutik Lützerathimi akerliusut sapaatit akunnerini kingullerni imaaginnalerput. Illoqarfeeraq Lützerath Aachenip Düsseldorfillu akornanniippoq.

Aamaruutissaq brunkul ikummarluttuummat mingutsitsingaatsiarlunilu silap pissusianut ajoqutaavoq.

Tysklandimi nukissiorfiit innaallagissamik kiassarnermillu pilersuinerminni aamaruutissanik suli atuisuupput.

Nutaarsiassami kukkunermik nassaarsimaguit uunga allaffigineqarsinnaavugut.