Ukraine aamma Rusland sumiiffinni arfinilli ulloq ataaseq sakkuaakkunnaarput
Pingasunngornermi Ukraine Rusland-ilu ullup annersaani sumiiffinni qimagutiterfiusuni arlalinni sakkuaakkunnaarniarlutik isumaqatigiipput.
Ukrainemi ministeriunermut tullersorti Iryna Veresjtjuk ilisimatitsivoq.
Veresjtjuk naapertorlugu nalunaaqutaq 09.00-imiit 21.00-imut Ukrainemi nalunaaqutaq malillugu Ukrainemi sumiiffinni arfinilinni sakkuaannermit annertuumik eqqugaasuni sakkuaakkunnaarnissaq Ruslandip akueraa.
Sumiiffinnut taakkununnnga ilaapput nunap ilaa illoqarfiit pingaarnersaannut Kyiv-imut qanitttut, Zaporizzja nunap kujataaniittoq sumiiffiillu arlallit Ukrainep avannamut kangianiittut.
Kyiv-ip eqqaani sakkutooqarfiunngitsut, ilaatigut illoqarfiit attuumasut Irpin-imi aamma Butja-mi inuit qimagussuutitineqassapput illoqarfiit pingaarnersaannut russit qaartartumeerinerannit eqqugaaqqunagit.
Marlunngormat inuinnaat illoqarfimmit Sumy-mit bussit i omkring 60 missaanniittut marluunngorlugit ingerlaaqatigiit atorlugit qimagutitinneqarput. Sumy Kyiv-ip kangiani 350 kilometerit missaannik ungasissuseqarpoq.
Ukrainep Ruslandillu akornanni inunnik angallassivinnik taaneqartartut isumaqatigiissutigineqarput. Taakku tassaapput aqqutit immikkut angallassiviit, inuinnaat isumannaatsumut pinissaminnut sakkuaattunit qimaaffigisinnaasaat.
Kisianni isornartorsiutigineqarpoq aqqutit isumannaatsunnginnerarlugit. Aamma isornartorsiutigineqarpoq aqqutit Ruslandimut russillu iliannut Hvideruslandimut ingerlammata.
