Ukraine isumaqatiginninniartoq: Ruslandip iliuuseqarniarunnaarluni tusarnaarpoq

Ukrainemi pisut akersuuffiusut ilorraap tungaanut isumaqatiginninniarnermut sangutinneqannguatsiarput.

Ruslandip Ukrainellu killeqarfianni Hvideruslandimi isumaqatiginninniarnerit ilorraap tungaanut alloriaataasinnaasut, Russit isumaqatiginninniartartuat, Leonid Slutskij, russit tv-qarfianut ST-mut sapaammi oqarpoq.

- Marluulluta aallartitatta massakkut isumaqatiginninniutai assersuutissagutsigit, taava marluulluta ilorraap tungaanut alloriarpugut, russit nutaarsiassaqartitsiviat naapertorlugu taanna taama oqarpoq.

- Alloriarnerit ulluni qaninnerni ineriartortinneqarnissaat naatsorsuutigaara, taanna oqarpoq, ataatsimoorfeqarsinnaasullu allakkiarineqarluni.

Rusland iliuuseqarniarunnaartoq, Ukrainep præsidentiata siunnersortaa sapaammi ullaap tungaani nalunaaruteqarpoq. Taarsiullugu isummagut russinit maluginiarneqarput, siunnersortip, Mikhailo Podolyak, Twitterimut allappoq.

- Rusland maanna paasinnippoq. Rusland aaqqiissuteqarniarluni oqariartuuteqalereerpoq, taanna videoliaminik internetimut ilisivoq.

- Ullualunnguit ingerlaneranni angusaqarniarnissarput ilimagaara, taanna oqarpoq.

Rusland isumaqatiginninniarnermi allaanerusumik inissisimalersoq, Ukrainep præsidentiat, Volodymyr Zelenskyjp arfininngornermi oqarpoq.

Oqaloqatigiinnermik ajunngitsumik siunertalimmik allagaqartoqartoq, Vladimir Putinip sapaatit akunnerata siuliani oqaatigaa. Illuatungeriit ajunnginnerpaaq anguniarlugu isumaqatiginninniartut taassuma ilanngullugu oqaatigaa.