Ullumi ilitsoqqussaralugu oqaatsit ulloraat – aakulu marluk iliuuserisinnaasatit

Imaassinnaavoq eqqaamanngikkit. Kisianni ullumikkut ulloq nunat assigiinngitsut akornanni ilitsoqqussaralugu oqaatsit ulloraat.

Tamanna Unescop oqaatsit assigiinngisitaartut siuarsarniarlugit aalajangernikuuaa. Kisianni soorliuna pingaaruteqartoq?

KNR-ip Ilisimatusarfimmi Oqaatsinik ilisimatusarfimmi pisortaq, Naja Blytmann Tronhjem tamanna pillugu apeqquteqarfigaa.

- Ulloq pingaaruteqarpoq, taanna aalajangersumik oqarpoq.

- Pingaaruteqarpoq ilitsoqqussaralugu oqaatsit ulluinnarni atorneqarnerisa isiginiarnissaat taamalillugu immaqa ullulerneqarsinnaagami. Aamma ilitsoqqussaralugu oqaatsit pingaaruteqarneri taamaalillugit naqissuserneqarsinnaapput.

- Tassa Kalaallit Nunaanni ilitsoqqussaralugit oqaluttut amerlanersaagami inuit, taavalu allamiut oqaasiinik atuineq annikinnerujussuulluni nunanut allanut naleqqiullugu, Naja Blytmann Tronhjem oqarpoq

Oqaatsit aarlerinartorsiunngitsut

Kalaallisut oqaatsigummi nunatsinni pisortatigoortumik oqaaserineqarput – taamaammat ikinnerussuteqartut oqaaserinngilaat.

Canadami naggueqatigiit inuit oqaasiisa atorneqarnerat annikinneruneranni taamaanngilaq – aammalu immaqa – tuluttut franskisullu oqaluttunit aarlerinartorsiortinneqarlutik.

- Naamerluinnaq navianartorsiunngilaq, kalaallisut oqalunneq Kalaallit Nunaanni ullumikkut navianartorsiunngilluinnartutut taaneqarsinnaavoq, immikkoortortaqarfimmi pisortaq oqarpoq.

Kitaamiusut oqalunneq navianartorsiunngilaq. Qaanaami Tunumilu sumiorpaluutit tammariartornissaannut aarlerinartorsiornerupput, pissutigalugu sumiiffinni taakkunani innuttaasukinneruleriartormat.

- Taamaallaat uniscominngaaniit avanersuarmiut tunumiullu oqaasii navianartorsiortutut nalilerneqarnikuupput taakku inuit ikikkamik. Kisianni taakku tikikkuminaatsuunerat peqqutigalugu oqaasii suli sivisujaami atasinnaasutut nalilersinnaavakka, Naja Blytmann Tronhjem oqarpoq.

Kalaallisut malunnartitsiniarlutik ullumikkut qanoq iliorsinnaavit?

Naja Blytmann marlunnik siunnersuutissatsialaqarpoq:

• Ukiut arlalissuanngortut matuma siorna eqqumiitsuliortoq Julie Hardenberg kalaallisuinnaq oqalulluni takutitsivoq. Kalaallisuinnaq oqaluttoqarsinnaavoq – aamma naak pikkorippallaanngikkaluarluni. Taamaaliornikkut amerlanerusut aamma oqaatsinik atuilissapput.
• Aamma aaqqissuussinernik kalaallisut ingerlanneqartunik oqaluttaaffiunngitsunillu aaqqissuussisoqarsinnaavoq.