Unnuaq annaassiniarnerit marluk: Tamarmik ajoratik angerlaqqipput

Kalaallit Nunaanni Politiit unnuap ingerlanerani annaassiniarnernik marlunnik suliaqarput, inuilli ajoratik nunamut apuummata annaassiniarnerit erngertumik unitsinneqarput.

Siulleq inuit marluk Uummannami aalisariarlutik ajornartoorneraat. Umiatsiaat immalersimavoq, umiatsiallu kivinissaa ernumagilersimavaat. Politiit maydayimik nalunaarut nalunaaqutaq 04.33 tiguaat.

Politiit pigaartuisa pisortaat, Hans Peter Berthelsen KNR-imut oqarpoq.

Tamatuma kingorna annaassiniarneq SAR aallartinneqarpoq, qulimiguulillu Kangerlussuarmiit aallartinneqarluni.

Qulimiguulilli pisariaqartinneqalinngilaq. Umiatsiaaqqat allat sisamat qanittumiittut inunnut taakkunannga ikiupput, Uummannamullu ajunngitsumik apuullugit. Politiit tamatumanik nalunaarfigineqaramik qulimiguulik uterteqqippaat.

SAR-imik suliaqarnerup aappaa Tasiilamiippoq, taannalu angummut inuusuttumut Kulusummukaartumut tunngavoq. Sila pujorpoq taannalu motoriminik unittooreerluni pujornerani aqqutissani tammaramiuk ikiortissarsiorluni sianerpoq. Nalunaarut taanna politiit nalunaaqutaq 00.18 pissarsiaraat.

Angulli taanna takusaqalaarsinnaanermini Tasiilamut ipulluni uterpoq. Politiit angallatertik Malik aallartippaat, angullu aqqutip naggataani nunamut ikiorneqarluni. Taanna ajorani aamma tikeqqippoq.