ASSIT Unnuk Kulturisiorfik 2017

Unnuk Kulturisiorfik 2017 Nuummi malunnartinneqarmat nuannersorpassuarnik pisoqartitsivoq innuttaasullu aamma aliikkusersorneqarput.

Allattoq Malik Brøns

januaarip 22-at 2017 12:29

Tele-Post Center

Tele-Postip allattoqarfiani takuniaasoqarsinnaavoq, allakkerisullu sulinerat aamma paasisassarsiorfiusinnaalluni.Telep Nuup qeqqani illorsuani majuartarfikkut qummut arpannermik sukkaniuttoqarpoq, quleriit qulingiluassaat tikillugu ammullu uteqqilluni sukkaniuttoqarluni.Pulaartut aamma pølsinik sassaalliiffigineqarput, Telep kælderiani pølsevognimik inissiisoqarsimammat, ernarsortartorlu Frederik Elsner kingorna taava tusarnaartitsivoq. Tele-Postimi attaveqaqatigiinnermut pisortaq Arnakkuluk Jo Kleist pulaartunik aajuna tikilluaqqusivoq.

Katuaq

Kikkulluunniit tikilluaqqusaaffigisaanni Katuami pinnguaatinik assigiinngitsunik aliikkusersuisoqarpoq pisoqartitsillunilu.

Malu Rohmann Fleischer nammineq erinarsuusiaminik Inersuaq Hans Lyngemi erinarsorpoq, inuppassuillu tusarnaariarput.

Politistation

Nuummi Politeeqafik meeqqanit nuannarineqaqaaq, pingaartumik nukappiaqqanit. Politiimmi sakkui, atortui, atisaat biiliillu assigiinngitsut takuniarneqarsinnaammata.

Politimesterip Bjørn Bayip politeeqarfiup qitiusumik saaffiginnittarfiata suliassai pulaartunut nassuiaateqafigai.

Inussivik

Kalaallit Nunaanni nukittunerpaaq Unnuk Kulturisiorfimmi aamma toqqarneqarpoq. Inussivimmi unammisitsisoqarpoq, unammisut assigiinngitsunik unammisinneqarlutik. Soorlu biilit palletinik imermik usilersukkanik kalitsineq. Biilit usiilu 2 tonsit sinnerlugit oqimaassuseqarput. Kim Hard Lorentzenip biilit aajuku kalippai. Kalaallit Nunaani nukittunersaattut aamma toqqarneqarpoq.