USA-p præsidentia Joe Biden coronamik tunillanneqarsimasoq

USA-p præsidentiata Joe Bidenip coronamik tunillanneqarsimasoq ullumi sisamanngornermi paasineqarpoq. Præsidentip Illorsuanit taama ilisimatitsisut, nutaarsiassaqartitsivik Reuters allappoq.

- Joe Biden covid-19-imik tunillanneqarsimasoq ullaaq manna paasivarput, præsidentip illorsuat nalunaarpoq.

Præsidentip illorsuata nalunaarutaa naapertorlugu Joe Bidenip 79-inik ukiullip coronamik tunillanneqarsimanini atupilunngilaa.

AAMMA ATUARUK Biden TV-kkut toqqaannartumik aallakaatinneqartumik coronamut akiuussuserneqartoq

Præsidentip illorsuata nalunaarutaa naapertorlugu Joe Biden akiuussuserneqareerlunilu marloriarluni akiuussuseqqinneqareerpoq. Taanna Pfizerip iisartagaliaanik Paxlovidinik nakorsaaserneqarpoq.

Joe Biden coronamik tunillanneqarsimanini peqqutigalugu ungavarsimaaraluarluni suliinnassasoq, præsidentip illorsuanit nalunaarput.

Joe Bidenip kingoraagaa, Donald Trump, coronamik aamma præsidentiunermini tunillanneqarnikuuvoq.