USA Tysklandilu Ukraine pillugu akerleriittoqarnerani Moskvamut aarlerisaarisut

Ruslandip Ukraine tiguarniassappagu, Tysklandip Ruslandimut gassimut ruujorissaq Nord Stream 2 pillugu suliniut unitsitsinissaa, USA-p nunanut allanut tunngasunut ministeriata, Antony Blinkenip, Tysklandimut kaammattuutigaa.

- Rusland nutaamik saassussiniassappat, gassi ruujorikkoortoq uagut isiginneriaasitsinnit ilungersunassaaq, Blinken oqarpoq.

Taanna tyskit nunanut allanut tunngasunut ministerertaavat, Annalena Baerbock, peqatigalugu tusagassiortunik Washingtonimi pingasunngormat katersortitsivoq.

USA-p naalakkersuisui Ukraine pillugu akerleriittoqarunnaamisitsiniarlutik USA-p Europami iligisaasa Ruslandimut pillaatitut iliuuseqarnissaminnik sioorasaarinissaat pillugu kaammattuereerput.

- Atlantikup illugiillugu ersoqatigiinneq russit ajorniarnerannut akissutini sunniuteqarsinnaanerpaavoq, Bllinken oqarpoq.

USA-p EU-llu akornanni isumaq ataatsimoorussaq Ruslandimi naluneqanngitsoq, Baerbock oqarpoq. Tysklandili pillaatitut qanoq iliorniarnersoq erseqqissumik oqaatiginngilaa.

- Politikkikkut aaqqiiviginninnermit allamik qinigassaqanngilaq. Tamanna russit naalakkersuisuinut nalornissutigineqassanngilaq, Baerbock oqarpoq.

/ritzau/Reuters