USAp aasaanerani nalunaaqutaq immaqa atortuaannalissavaa

Arfininngorpat unnuaani nalunaaqutaq siuartinneqasssaaq, inuillu sapaatiuppat nalunaaquttap akunneranik ataatsimik sinnakinnerullutik itissapput.

Tassami aasaanerani nalunaaquttamut nikissagatta, taamalu unnnuit sivisunerit atulissallugit.

Amerikamiut marsip 13-anili aasaanerani piffissamut nuupput. Kisianni siunissami imaassinnaavoq ukiumut marloriarluni nalunaaquttamik nikisitsisarneq taamaatinneqartoq.

Amerikami naalagaaffiit amerlanersaanni aasaanerani nalunaaquttap inissinnerata atuuttuartussanngornissaanut inatsisissatut siunnersuut ilusinikkiartuaarpoq akuerineqarnissaalu utaqqineqarluni.

Ulloq 15. marsi USA-p inatsisartuini Senat-imi siunnersuut taasissutigineqarpoq, amerlanerussuteqartullu allanngornissaa akueraat.  

Reuters taama allappoq.

Kisianni imaanngilaq siunnersuut atuutilissasoq.

Tassami Kongres-ip affaani Repræsentanternes Hus-imit præsident Joe Biden-imillu aamma akuerineqarnissaa amigaataammat.

Siunnersuut akuerineqassagaluarpat amerikamiut naggammik nalunaquttamik nikisitsissanngillat.

Aasaanerani nalunaaquttap tmakkiisumik atuutilernissaa siusinnerpaamik novembarimi 2023-mi atuutilissaaq. Tamatumunnga timmisartortitseqatigiinnit aamma tv-kkut aallakaatitsivinniit qisuariaatit ilaatigut peqqutaapput.  

USA-p siusinnerusukkut aasaanerani nalunaaqutaq 1970-ikkunni atuuttuartunngortillugu misilereerpaa. Kisianni ukioq ataaseq qaaangiutiinnartoq atorunnaarsinneqaqqippoq, innuttaasut ilaasa seqernup aatsaat nalunaaqutaq 9 nuisarnera naammagittaalliutigimmassuk.