Uumassusilerisut: Qeqertarsuup Tunuani Upernavimmilu qaleraleqarnerulissasoq
Naalakkersuisut ukiorpassuarni qaleralittassiilluartarput. Uumassusilerisullu innersuussutaat politikerillu aalajangertagaat naligiinnerulerput.
Uumassusilerisummi Qeqertarsuup Tunuani Upernavimmilu aappaagu qaleralittassatut innersuussutigisatik 20 procentinik qaffappaat.
Pinngortitaleriffik tusagassiutinut taama nalunaarpoq.
Ukioqatigiiaanik tukertoqarluarsimanera peqqutaalluni qaleqaleqarnerulissangatitsineq uumassusilerisut taamaaliornerannut peqqutaavoq.
- Aqutsiveqarfinni taakkunani biologit namminneerlutik misissuinerannit paasissutissat ersersippaat, pineqartuni qaleraleqassuseq 20 %-imik qaffariaateqarsimasoq. Taamaattumillu NAFO-mit siunnersuineq taamaaqataanik qaffariaateqartoq erseqqissaatigineqarpoq, Pinngortitaleriffik allappoq.
AAMMA ATUARUK Umiarsuaq ilisimatusaat nutaaq nunatsinnut siunissami iluaqutaassasoq
Atlantikup Avannaata Kitaani Aalisarneq Pillugu Suleqatigiiffik NAFO innersuussuteqartarpoq. Pinngortitaleriffik NAFO-mi ilaasortaavoq.
Innersuussutinit amerlanerujussuarnik qaleralittoqartartoq
Qeqertarsuup Tunuani qaleralittassatut innersuussutit 4.346 tonsiniit 5.215 tonsinut Upernavimmilu 5.068 tonsiniit 6.070 tonsinut qaffanneqarput.
Uumassusilersisut Qeqertarsuup Tunuani qaleralittassasut innersuussutigisatik 4.346 tonsiniit 5.215 toninut ilavaat.
Upernavimmilu 5.068 tonsiniit 6.070 tonsinut aamma ilavaat.
Taakkuali qaleralittarineqartartunit ikinnerujussuupput.
Qeqertarsuup Tunuani ukioq manna qaleralittassat 9.000 tonsit sinnerpaat. Naalakkersuisut tamatuminnga aalajangiisuupput.
Uumassusilerisut innersuussutaannit amerlanerujussuarnik ukiorpassuarni qaleralittoqartarpoq. Assersuutigalugu Qeqertarsuup Tunuani siorna qaleralittarineqartut 9.028 tonsiupput, Upernavimmilu siorna qaleralittarineqartut 8.480 tonsiullutik.
Qaleralittassallu uumassusilerisut innersuussutaannit amerlanerujussuukkajupput. Tamanna ilaatigtut Qeqertarsuup Tunuani qaleralittarineqartut milliartuinnarnerannik kinguneqarpoq.
Assersuutigalugu Qeqertarsuup Tunuani ukioq manna qaleralittassat 9.000 tonsit sinnerpaat.
Ukioqatigiiaanik tukertoqarluaqqikkumaarnersoq oqaatigiuminaattoq
Ukioqatigiiaanik tukertoqarluarsimanera peqqutaalluni ukiuni tulliuttuni qaleraleqarnerulissasoq naatsorsuutigineqarpoq.
Taakkuali qanoq amerlatigeqqissaarnersut ukioqatigiiaanillu tukertoqarluaqqikkumaarnersoq oqaatigiuminaattoq, uumassusilerisut erseqqissaatigaat.
Taamaammat ukioq manna qaleralittassatut innersuussutit amerlaqataannik ukiuni tulliuttuni innersuussuteqartoqarumaarnersoq nalunarpoq.
- Ukioqatigiiaat amerlaarsuullutik takkuttut aatsaat arlaliuppata qaleralinniarneq sumiiffinni siuariarfiusuni aalaakkaasumik inissisimalissaaq, Pinngortitaleriffik allappoq.
AAMMA ATUARUK Naturinstituttet afviser kritik: Vi undersøger alle fiskeriområder
Aqutsiveqarfinni allani qaleralittassatut aappaagu innersuussutit allanngornavianngillat.
Avataani qaleralittassatut innersuussutit apparneqassasut
Avataali qaleraleqarluarnersoq oqaatigiuminaanneruvoq. Taamaammat avataani qaleralittassatut innersuussutit apparneqarput.
- Tamatumunnga peqqutaavoq avataani qaleraleqassuseq ukiuni arlaqalersuni biologinit misissuiffigineqarnikuunngimmat, NAFO-miillu misissuisoqartarsimannginnera toqqammaviliullugu mianersortussaatitaanermik aalajangiussaq atortinneqalerpoq, Pinngortitaleriffik allappoq.
Taamaammat avataani qaleralittassatut ukiunut tulliuttunut marlunnut innersuussutit 36.370 tonsiniit 29.640 tonsinut apparneqarput.
Naalakkersuisut qaleralittassanik annertussusiliisuusarput.
