WHO-p nappaatip abekopperip aqqa allanngortikkusukkaa
Naalagaaffiit Peqatigiit peqqinnissakkut suleqatigiiffianni, WHO-mi, immikkut ilisimasallit virusip abekopperimik napparsimalersitsisartup aqqata allanngortinneqarnissaa maanna suleqatigiissutigaat.
WHO BBC-mut marlunngornermi taama ilisimatitsivoq.
Virusip abekopperimik napparsimalersitsisartup aqqata allanngortinneqarnissaa nukingernartoq, immikkut ilisimasallit 30-t ataatsimoorullugu sapaatit-akunnerata siuliani allapput, nammineq oqarnerattuut aqqa "kinaassusersiusuussanngilaq immikkoortitsisussaananilu".
AAMMA ATUARUK EU Bavarianip abekoppinut akiuussutissaliaanik pisisoq
Abekopperip Afrikameersuunera oqaatigissallugu eqquilluanngitsuullunilu kinaassusersiuinerusoq, immikkut ilisimasallit oqaatigaat.
Virusip hMPXV-mik taaguuteqalernissaa siunnersuutigaat.
AAMMA ATUARUK WHO-p abekoppemut akiuussusersuinissaq pisariaqarsorinngikkaa
Inuit abekopperimik tunillanneqarsimasut nunarsuaq tamakkerlugu sapaatit-akunnerini kingullerni 1600-t missaanniipput.
Abekopperimik Danmarkimi tunillanneqarsimasut maannamut katillutik arfineq-marluupput.
Virusip nunani tamalaani tuniluunnera nunani tamalaani peqqinnissaqarfinnut ernummatigineqarsinnaanersoq eqqartussallugu WHO-mi sapaatit-akunnerata tulliani ataatsimiikkasuartoqassasoq, WHO-p BBC-mut ilisimatitsissutigaa.
