Will Smith Oscarinnatsitsinermi ukiuni qulini peqataaqqusaajunnaartoq

Isiginnaartitsisartoq Will Smith Oscarinik nersornaasiinerni ukiuni tulliuttuni qulini peqataaqqusaajunnaarpoq.

Oscarip siulittaasua David Rubin taama paasissutissiivoq.

- Oscarinik nersorinninneq suleqaterpassuatta ukioq kingulleq suliaannik pitsaalluinnartunik nalliuttorsiutaasussaagaluarpoq. Nalliuttorsiornissaraluarli pissusilunnermut akuerineqarsinnaanngitsumut saatsinneqarpoq, taanna allappoq.

Will Smithip peqataaqqusaajunnaarnini amerikami nutaarsiassaqartitsivimmut CNN-imut ima qisuariarfigaa.

- Nersornaasiisartut aalajangernerat ataqqivara akueralugulu.

Will Smithip quisaarisartumik Chris Rockimik isassinermi kingorna Oscarimik nersornaasiinernit tunuarpoq.

Chris Rockip saqqummiinermini Will Smithip nuliata Jada Pinkett Smithip nujaqannginnera pillugu quiasaaruteqareernerata kingorna Smithip Rock marsip 27-ani isappaa. Isiginnaartitsisartoq kingorna Chris Rockimut utoqqatserpoq.

Will Smith angutini isiginnaartitsilluarnerpaatut nersornaaserneqarnermini Oscarinnattaani pigiinnarsinnaavaa.

Will Smithip isatsinermi kingorna isiginnaagassiat peqataaffigisai arlallit unitsinneqarput.