Xi Jinping præsidentitut pingajussaanik ingerlaqqittussan-ngortoq

Kinap ukiuni qulinngulersuni præsidentia, Xi Jinping, Kinami kommunistit partiiata siulittaasuatut atuuffiup pingajussaani naatsorsuutigineqareersutut ingerlaqqippoq.

Allattoq Ritzau

oktobarip 24-at 2022 09:49

Nutserisoq Jaaku Lyberth

Xi Jinping Kinami kommunistit partiianni siuliuttaasutut qinigaaqqippoq.

Kinami naalagaaffiup tusagassiorfii, ippassaq sapaammi taama nalunaaruteqarput.

Xi Jinpingip Kinami præsidentitut atuuffiup pingajussaani præsidentiunissani taamaalilluni qulakkeerpaa. Kinami præsidentinngortoq marsip qaammataani pisortatigoortumik ivertinneqartarpoq.

Xi Jinping Kinami suli maannamut ukiuni qulini præsidentiuvoq.

AAMMA ATUARUK Kinami kommunistpartiip ukiunik 100-nngortorsiornerani præsident Xi mianersoqqusisoq

Jinping Kinami præsidentitut atuuffiup pingajussaani naatsorsuutigineqareersutut ingerlaqqissasoq, Kinami kommunistit partiiat sapaatit akunnerata siuliani ataatsimeersuarneranni nalunaarutigineqarpoq.

Xi Jinping Mao Zedongip præsidentiunerata kingorna Kinami aqutsisuni sunniuteqarnerpaatut pissaaneqarnerpaatullu isigineqarpoq.

Xi Jinpingip siulittaasutut qinigaaqqinera Kinami kommunistit partiaanni qullersat sapaatiummat matoqqasumik taasisitsereerneranni qulakkeerneqarpoq.

Tassa Xi Jinping partiimini ukiuni tulliuttuni tallimani siulittaasuussaaq.

Nutaarsiassami kukkunermik nassaarsimaguit uunga allaffigineqarsinnaavugut.