Zelenskyj aarlerisaarivoq: Ruslandip sakkut kemiskiusut atorsinnavai

Ataasinngornermi unnukkut Ukrainep præsidentia Volodymyr Zelenskyj oqalugiarnermini oqarpoq Ruslandip Ukrainemut sakkunik kemiskiusunik atuisinnaanera naviagineqarsinnaasoq.

Ataasinngormat nalunaarutigineqarpoq Mariupolimi "suuneranik ilisimaneqanngitsumik", sakkunik kemiskiusinnaasunik, atuisoqarsimasoq. Kisianni nalunaarutit taakku ilumoornerarneqanngillat.

Ataasinngornermi Ukrainemiut præsidentiat oqalugiarnermini oqarpoq sakkut kemiskiousut atorneqarsimasut.  

Kisianni Zelenskyj-p nunat killiit kaammattorpai Ruslandimut iliuuseqaqqullugit sakkunik taamaattuniik atuinissaanut qunusaarutaasinnaasunik.  

- Nunarsuarmiut siuttui eqqaasinniarpakka russit sakkutuuisa sakkunik kemiskiusunik atuisinnaanerat oqallisigineqareermat.

Pentagon-imi tusagassiuutinut oqaaseqartoq John Kirby nalunaarpoq sakkunik kemiskiusunik atuisoqarsimaneranik nalunaaruteqarneq ilisimallugu.

- Massakkorpiaq ilumoornerarsinnanngilarput, aamma pisut qanimut malinnaaffigiaavut.

Nunat assigiinngitsut akornanni isumaqatigiissutit naapertorlugit sakkut kemisikiusut inerteqqutaapput.

Ukrainemiut præsidentiat isumaqarpoq Ruslandimut ima sakkortutigisunik iliuuseqartariaqartoq nunap taassuma sakkunik kemiskiusunik atuinissaminut qunulerluni.

- Ruslandimut uuliamik pisinissamut tunisinissamullu matusineq pisariaqarpoq. Iliuuserineqarniartut uuliamut tunngasuunngitsut Moskvami qungujulaarutigineqaannartarput, præsidenti oqarpoq.