Zelenskyj isumaqatigiinniarnerit pillugit: Ajornakusooqaaq – kisianni siumukarpugut

- Ajornakusooqaaq, ilaanneeriarluni aporaaffiusarluni , pingasunngornermi videokkut nalunaarummi isumaqatigiinnianerit pillugit oqarpoq.

- Kisianni allornikkaarluta siumukarpugut.

Zelenskyj sousinnerusukkut oqarpoq Ruslandip præsidentia Vladimir Putin ataatsimeeqatigiumallugu. Sorsunneq kipitinniarlugu præsidentit taakku marluk ataatsimeeqatigiinnissaat pisariaqarpoq, nalunaarummi oqaatigineqarpoq.

Sorsunneq sapaatip akunneri sisamangajaat ingerlareerpoq. Ruslandip Ukraine februaarip 24-ani sakkutuulerpaa. Inuit 3,5 milliuuninit amerlanerit qimaareerput, sakkutuuliinerullu kingunerisanik tuusintilippassuit toqoreerlutik.

Marlunngormat FN-imit nalunaariutigineqarpoq sakkutuuliinneq aallartimmalli suleqatigiiffiup sakkutuujunngitsut 953-t toqusimasut 1557-illu ikilerneqarsimasut nalunaarsorsimagai. Kreml sakkutuujunngitsunik saassussisimannginnerarpoq.

Taamaannerani Mariupol sorsunnerup qiterilerpaa. Illoqarfik umiarsualiveqarfik unguneqarsimasoq illoqarfimmi kommunalbestyrelse naapertorlu russit silaannarmiit saassussinerisa "nunap toqungasup arsakunngortippaa". Untritilinnik tuusintilikkaat illorsuarnit nuikissinnaajunnaarsimasorineqarput nerisassaqarnatik, imeqarnatik, innaallagiaqarnatik aamma kiassarneqarnatik.  

Inuinnaat Ukrainemiullu sakkutuui russit eqqaassiffigineqarput, nunap ilaata Donetsk-ip Mariupolep inissisimaffia guvernøria marlunngormat oqarpoq. Russit sakkutuuisa aamma immikkoorniaqaatigiit russinit tapersersorneqartut illoqarfiup umiarsualiveqarfiup affaata missaa tiguareerpaat. Russit nutaarsiassaqartitsiviata RIA-p nalunaarutigaa immikkoorniaqatigiit pisortaat issuarlugu. 

Nalinginnaasumik Mariupol inunnut er normalt hjemsted for omkring 400.000 missaanniittunut angerlarsimaffiuvoq inissisimanermigullu Ukrainemi sorsunnermi pingaaruteqarluni. Tamtumunnga pissutaavoq Ukrainep kangia’tungaata qeqertaasallu Krim-ip akornanniikkami Det Azovske Hav-imut attuumalluni.