Zelenskyjip Putin kisiat oqaloqatigerusukkaa

Ukrainep nunamik ilaa eqqisseqatigiinnissamik isumaqatiginninniarnermi pilliutiginavianngikkaa, Volodymyr Zelenskyjip erseqqissaatigaa.

Allattoq Ritzau

maajip 25-at 2022 10:34

Nutserisoq Jaaku Lyberth

Ukrainep russinut piumasaqaatai anguneqanngippata, Ukraine Ruslandilu eqqisseqatigiinnissamik isumaqatiginninniarnavianngitsut, ukrainemiut præsidentiat Volodymyr Zelenskyj nunarsuarmi nunat aningaasarsiornikkut siuarsimanerusut World Economic Forumimik taallugu Schweizimi illoqarfimmi Davosimi ukiumoortumik ullumi pingasunngornermi ataatsimeersuarneranni oqarpoq.

Nunani tamalaani naalakkersuisut siulittaasui inuussutissarsiornermilu siuttut ataatsimeersuarnermi tassani peqataapput.

AAMMA ATUARUK Sakkutuujunngitsut 500-ngajaat Ukrainemi Mariupolimit qimagussorneqarsimasut

Russit præsidentiat kisiat oqaloqatigerusullugu allanillu oqaloqateqarusunnani, Ukrainep præsidentiata ilaatigut oqaatigaa.

- Russit præsidentiat kisiat toqqaannartumik oqaloqatigerusuppara. Akunnermiliuttoqaranilu isumaqatigiissitsiniartoqassanngilaq, Zelenskyj oqarpoq.

Russit Ukrainemut februaarip ulluisa 24-anni isaannginnerminni inissisimaffigisaminniilerteqqigatik isumaqatiginniniarnissaminnut piareernaviaratik, Ukrainep præsidentiata ilanngullugu oqqaatigaa.

- Ukraine killeqarfiginikuusamik tiguaqqinnissaasa tungaannut akiuutissaaq, taanna oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.