”Nunarsuatsinni uivernersuaqalersinnaanera aarleqqutigalugu Naalagaaffiit Peqatigiinni qullersaq Antonio Gutterres sapaatip akunnerata siuliani oqaaseqarpoq. Naalagaaffiit Peqatigiit Sillimanissamut Siunnersuisoqatigiivisa ataatsimik nipeqarlutik iliuuseqarsinnaajunnaaqqanerat Gutteres-ip aarlerinartutut isigaa. Aallakaatitami oqaloqatigineqassapput nunatta sinniisoqarfiini marluusuni pisortat, Kenneth Høegh USA-miittoq kiisalu Inuuteq Holm Olsen Brusselles-imiittoq. Aaqqissuisuuvoq Frederik Lund.