61-inik ukiullip ujaarineqarnera unitsinneqartoq

Nunatsinni politiit tusagassiorfinnut kaammattuinerat naapertorlugu angutip ujaarineqartup nassaarineqarnerata kingorna aqqa assialu allaaserisamiit peerneqarput.

61-inik ukiullip Qaqortumeersup, ujaarineqarnera ippassaq unnukkut taamaatinneqarpoq.

Angutip ujaarineqarnerani qulimiguulik SAR-imi atorneqartartoq, politiit qimmiat, ATV-t, qatserisartut angallallu atorneqarpoq, ujaasinerli maanna unitsinneqarpoq.

Kalaallit Nunaanni Politiit KNR-imut taama ilisimatitsipput.

AAMMA ATUARUK 61-inik ukiulik Qaqortumi ujaarineqartoq

- Ujaasiffiginikuusagut marloriarlugut angallavigigaluarpagut, ujaarisarpulli nassaarinngilarput, Kalaallit Nunaani politiit pigaartuisa pisortaat, Jens Rønberg oqarpoq.

Angummut tunngatillugu åaasissutissanik nutaanik politiinut saaffiginnissuteqartoqarpat ujaasineq aallarteqqinneqassasoq, politiit ilanngullugu ilisimatitsipput.

Ujaarineqartoq 160 centimeterit missaannik angissuseqarpoq, taartunillu nujaqarluni. Taassuma qarlit koorput tungujorujuttut kamiillu Nikemik meqqillik atorpai.

Politiiinut paasissutissaateqartoqaruni oqarasuaammut +299 70 14 48-mut attaveqartoqassaaq.