Takornariat 800-luinnangajaat Machu Picchumiit marlunngormalli ingerlariaqqissinnaajunnartut

Akerliussutsimik takutitsisoqarnera peqqutaalluni qimuttuitsunik angallanneq unitsinneqarmat, takornariarpassuit Machu Picchup nalaaniit ingerlariaqqissinnaajunnaarput.

Allattoq Ritzau

decembarip 15-at 2022 15:57

Nutserisoq Mads Lynge

Takornariat nunanit allaneersut 800-ngajaat, takornariat Perumi ornigarluartagaata Machu Picchup nalaani marlunngormalli ingerlariaqqissinnaajunnaarsimapput.

Perup maanna præsidenterisimasaata Pedro Castillop præsidentitut uppisinneqareersorlu, akerliussutsimik takutitsinerpassuaqarnerani ilaatigut Machu Picchup nalaani qimuttuitsunik angallanneq unitsinneqarmat taama pisoqarpoq.

Perumi atorfilittat taama nalunaaruteqartut nutaarsiassaqartitsiviup AFP-p allaaseraa.

Israelimit takornarniap Gale Dutip illoqarfimmut Cuscomut utersinnaasimannginnini oqaluttuaraa, Cuscomit Israelimut uteqqissinnaajunnaaqqalluni.

- Meeqqakka ilagaakka. Ingerlariaqqissinnaannginnerput ajornartorsiutaavoq, taanna AFP-mut ilaatigut oqarpoq.

AAMMA ATUARUK Takornariaq qaammaterpaalunni Perumiittariaqarsimasoq Machu Picchumut kisimi takornarniartoq

Akerliussutsimik takutitsinerit Cuscomi ataasinngormat aallartipput, qimuttuitsunillu angallanneq marlunngormat unitsinneqarluni.

Akerliussutsimik takutitsisut tassani aqqusinermi katersuupput. Ilaat oqartussat illuutaannik saassussipput, allallu illoqarfiup timmisartoqaerfissua tiguarniarsaralugu.

Perumi taamanikkut præsidentip Pedro Castillop inatsisartut atorunnaarseriarlugit, peqqussutitigut aqutsinialersaareersorlu Perumi kingorna eqqissiviilliortoqalerpoq.

Nunamik killuussisutut taava pasineqarpoq, Mexicollu aallartitaqarfianut qimaatilluni tigusarineqarluni.

Nutaarsiassami kukkunermik nassaarsimaguit uunga allaffigineqarsinnaavugut.