Angut 33-nik ukiulik Aappilattumi toqutsisimasutut pasineqartoq

Angut 33-nik ukiulik angummik 35-nik ukiulimmik Nanortallip eqqaani nunaqarfimmi Aappilattumi sapaatip akunnerata naanerani toqutsisimasutut pasineqarpoq. Kalaallit Nunaanni Politiit ataasinngornermi paasissutissiipput.

Inummik toqungasumik nunaqarfimmi nassaartoqarnera pillugu politiit arfininngornermi nalunaarfigineqarput. Toqutsisoqarsimaneranik suliaasoq tassungalu atatillugu angummik tigusarinnittoqarsimasoq, politiit KNR-imut sapaatiummat paasissutissiissutigaat.

AAMMA ATUARUK Aappilattumi toqutsisoqartoq: Pasineqartoq tigusarineqarpoq

Angut eqqartuussivimmi matoqqasumik sapaatiummat sassartinneqarpoq. Angullu 33-nik ukiulik angummik 35-nik ukiulimmik toqutsisimasutut pasineqarluni.

Kalaallit Nunaanni Politiit attaveqaqatigiinnermi sulisuat, Fabian Uth Nielsen KNR-imut oqarpoq.

Angut 33-nik ukiulik septembarip ulluisa qulingannut maanna tigummigallagassanngortinneqarpoq.

Angutip 35-nik ukiullip toqutaanera politiinit maanna misissuilluarfigineqartussanngortoq, Fabian Uth Nielsen oqarpoq.

Taamaammat pinerluttoqarsimaneranik misissuisartoq toqusoqarneranilu misissuisartoq misissueqqissaartoqarneranut ikiuutaajartorlutik sapaatip akunnerata ingerlanerani tikissapput.

Taakku ullumi aqaguluunniit tikinnissaat naatsorsuutigaarput. Aggeriartorput, Fabian Uth Nielsen oqarpoq.