Aningaaserivinni assigiinngitsuni Mobilbank netbankilu atorneqarsinnaanngikkallarput
Danmarkimi aningaaserivinnik qarasaasiatigut sullissisoq BEC ullumi sapaammi attaveqaatitigut ajornartorsiorpoq.
Aningaaseriviit assigiinngitsut tamanna pillugu maanna ajornartorsiuteqarallarput, Grønlandsbanken taakkununnga ilaalluni.
Netbank/Mobilbank, aningaasanik tigusiviit, Akiliut, MasterCard Debitilu atorneqarsinnaanngikkallarput, soorlu aamma nunaqarfinni aningaaseriviit eqqorneqartut. Grønlandsbankenip nittartagaani tamanna atuarneqarsinnaavoq.
Ajornartorsiut suli aaqqinneqarsinnaasimanngitsoq BEC-p tusagassiinermi pisortaata Jens Møller Nielsenip ullumi sapaammi ullaap tungaani oqaatigaa.
Grønlandsbankenip saniatigut Danmarkimi aningaaseriviit 25-t allat eqqorneqarput, Nykredit, Spar Nord Arbejdernes Landsbankilu taakkununnga ilaallutik.
Ajornartorsiut qaqugu aaqqinneqarsinnaanersoq BEC-p oqaatigisinnaanngikkallarpaa.
BEC-p qitiusumik qarasaasiaqarfiata unnuaq aallarteqqinneqarnissaanut atatillugu attaveqaatitigut ajornartorsiortoqalersoq Jens Møller Nielsenip oqaatigaa.
