Aviisi: Tuluit Nunaata Iranimi Revolutionsgarde peqqarniisaarniartutut nalunaarutiginiaraa

Iranimi muslimisiortut politikkikkut pissutsinik illersuisuat, Revutilionsgarde, peqqarniisaarniartutut pisortatigoortumik Tuluit Nunaata nalunaarutiginiarpaa.

Tuluit Nunaanni aviisit ilaat Telegraph taama allappoq.

Revolutionsgarde peqqarniisaarniaqatigiittut taaguuteqartinneqalerpat, taakkununnga peqataaneq ataatsimeeqataaneq ilisarnaataannillu kikkunnit tamanit takuneqarsinnaasunik atuineq inatsisinik unioqqutitsinerussapput.

Tuluit Nunaata taama nalunaaruteqarneranut pissutaavoq, Iranimi aqutsisunut akerliussutsimik takutitsisoqarnerani inuit arfineq-marluk Tuluit Nunaannut attuumassuteqartut Iranimi Revolutionstgardemit tigusarineqarsimammata.

AAMMA ATUARUK Iranimut pillaatitut nutaat EU-mi akuersissutiginiaraat

Iranimi akerliussutsimik takutsitsinerit arlalipparujussuit pipput, arnaq 22-nik ukiulik Masha Amini Iranimiut politiivinit nakkutigineqartilluni toqunerata kingorna.

Masha Amini islamisiortut arnartaasa atisalersortarnissaannut Iranimiut malittarisassiaannut naapertuuttumik atisalersorsimanngimmat tigusarineqarpoq.

Akerliussutsimik takutitseqataasorpassuit tigusarineqarput, taakkungannga arlaqartut toqumut eqqartusssaallutik allat toqutaareerput.