B-67 futsalimi aasiit nunatsinni pissartanngorpoq: N-48-mut naligiittorujussuarmik unammineq
Paamiuni futsalimik pissartanngorniutivinnermi B-67-ip N-48 ajugaaffigaa.
Taamalu siorna pissartaasut B-67-ip saqqarmiut kuultiusut Nuummut angerlaateqqissavai. Kisianni kuultinnanniarlutik tamaviaartariaqaqaat, Iluliarmiummi N-48 aamma taama tamaviaartigimmata.
- Unammineq ilimagisatsitut naligiiffiusorujussuuvoq, nalunngilarput N-48 taktik-ikkut pissaaneqaqisut tamaviaarnikkaarsuarnillu unammisartoqarlutik, ataqqillugit oqartariaqarpunga inernerata unammineq eqqorlugu takutinngikkaa.
Ukiumi arsaalluarnerpaat
Ukiumi akiuulluarnerpaaq: Kuluk Hermansen, N-45.
Ukiumi arsalerillaqqissoq: Rene Eriksen Petersen, B-67.
Ukiumi arsaalluarnerpaaq: Lars Erik Reimer, N-48.
Ukiumi iligiit
Målmand: Nick Hermansen, N-45.
Avalassimasut: Lars Erik Reimer N-48, Rene Eriksen Petersen, B-67, Niklas Kleist, Young Guns Futsal, Nick Reimer, B-67.
B-67-p sungiusaasua Jimmy Holm Jensen ajugaaniutivereernerup kinguninngua taama oqarpoq.
Unamminermi 5-2-mik inerneqarpoq B-67 ajugaasuulluni. B-67-imut ajugaarujussuarnertut isikkoqarsinnaagaluartoq unammineq naligiittorujussuuvoq.
Unammineq marloriarluni 20 minutsinik sivisussusilik naammat 1-1-rput, taamalu marloriarluni minutsinik tallimanik sivitsorneqartariaqarluni.
Aatsaallu unamminerup naalernerani minutsini kingullerni pingasuni målernerit kingulliit tallimat isaatinneqarput.
Sivitsuinermi straffernerit pingasut
Unammineq isertitsineq siulleq Katu Madsenimit N-48-meersumit isertinneqarpoq muminninnermi. Taava B-67 isertoitsiniarluni tamaviaarpoq, N-48-lu kinguarsimapput illuanullu B-67-imut saassusseriataarnissaminnut pireersimajualerlutik.
Mumereernerup kingorna B-67-ermiu Patrick O. Frederiksen naligiilersitsinissaminut 1-1-imut iluatsitsivoq.
Minutsit 40 pissangaqisumik naligeeqalutik unammereersullu dommeri siggarpoq, arsaannerlu unitsillugu. Suli 1-1-qqapput, ajugaasoqartariaqarporlu.
Taamaattumik arsaanneq nangeqqittariaqarpoq immikkut sivitsorlugu marloriarluni minutsinik tallimanik. Naammassinissami minutsit pingasuinnanngortullu Nick Reimer B-67-imeersoq 2-1-nnortitsilluni isertitsivoq, taamalu siullermeerlutik siuarput.
B-67-imi iseritsisoq anførerilu Patrick O. Frederiksen-p N-48-meersoq akuerisaanngitsumik unitsippaa Iluliarmiullu straffertussanngortillugit.
Tassani 2-2-nnorsinnaagaluarpoq. Kisianni Looqi Svane, B-67-ip målmandiata N-48-p straffernera annaappaa.
N-48-mut ajornerulepoq namminneq B-67-imut straffertitsigamik. Tassani B-67-imiit Nick Reimer-ip arsaq iserteruloorpaa, tassalu 3-1-nngorluni. Minutsit marluinnaat qaangiuttut N-48 siumut tamaviaarsuaarput.
Tamatuma kinguarsimalluni illersuineq sanngiillisippaa, tamannalu B-67-ip atorluarpaa tassanngaarnaq saassusseriataarnerminni ataatsimik isertitseqqikkamik 4-1-nngorlugu. N-48 naammassilerlutillu tuppallersaatissaminnik måleqqipput, taavalu B-67 straffeqipput inaarutaasumillu målerlutik 5-2-nngortitsillutik.
B-67 taamaalilluni aasiit nunatsinni futsalimi pissartanngoqqipput. Siorna B-67 IT-79-imut ajugaapput.
Young Guns Futsal Nuummeersut ilaarngaartut pingajunngorput Paamiormiunut angerlkarsimaffimminni unammisunut N-45-mut ajugaagamik.
